Նիկոլ Փաշինյանը նախապես պայմանավորվածություն ունի հող հանձնելու. Փոստանջյան ( Տեսանյութ)

«ՀՀ վարչապետի պաշտոնակատարը նախապես պայմանավորվածություններ ունի հող հանձնելու։ Վերջին յոթ ամիսների ընթացքում Նախիջեւանի կողմից ադրբեջանցիները 500 մետր են առաջ եկել։ Եթե նրանք մոտենում են, ապա մոտենում են հատուկ նպատակով։ Գործող իշխանությունը դա կանխելու որեւէ քայլ չի արել եւ ես մեղադրում եմ պետական դավաճանության մեջ»,-այս մասին լրագրողների հետ հանդիպման ժամանակ հայտարարել է  «Երկիր Ծիրանի» կուսակցության նախագահ Զարուհի Փոստանջյանը։

Փոստանջյանն այսօր անդրադարձավ նաեւ Լուկաշենկոյի հայտարարությանը:

Բելառուսի նախագահ Ալեքսանդր Լուկաշենկոն ռուսական լրատվամիջոցների հետ զրույցում պատմել էր ղարաբաղյան հակամարտության կարգավորման որոշ դրվագների մասին: Լուկաշենկոյի խոսքով, Բելառուսն ու Ռուսաստանը խոստացել են անհրաժեշտության դեպքում ռազմական ստորաբաժանում ուղարկել որոշակի երաշխիքներ ապահովելու համար:

«Չգիտեմ՝ ինչպես է եղել հանդիպումն ու պայմանավորվածությունները, միգուցե մանիպուլյացիայի համա՞ր է հայտարարվել, իբր թե Սարգսյանը համաձայն չի եղել... Լուկաշենկոյին չեմ կարող հավատալ: Սերժ Սարգսյանը պատրաստ էր հանձնել հողերը, նա ինքն էր տվել նման հարցազրույց Կիսելյովին: 2011-ին, երբ Սարգսյանը պետք է ուղևորվեր Կազան, ես հանդիպել են նրան Ստրասբուրգում: Հարցն արդիական էր, որ պետք է գնար, ինչ-որ փաստաթուղթ ստորագրեր՝ հող հանձնելու վերաբերյալ: Ես իրեն ասացի, որ եթե գնաք ու ստորագրեք, կլինեք դավաճան, ու ինչպես վրեժ ենք լուծել մեր ազգի թշնամիներից, Ձեզնից էլ ենք լուծելու», - նշեց նա:

Zham.am