Արմեն Գևորգյանի վերաբերյալ որոշումը կհրապարակվի վաղը

Ավան և Նորք նորք վարչական շրջանների ընդհանուր իրավասության դատարանում ավարտվել է նախկին փոխվարչապետ Արմեն Գևորգյանի խափանման միջոցի գործով դատական նիստը: Գևորգյանի փաստաբան Էրիկ Ալեքսանյանը լրագրողներին տեղեկացրել է, որ դատարանը հեռացել է խորհրդակցական սենյակ, իսկ որոշումը  կհրապարակվի վաղը ժամը 16:00-ին:

Պաշտպանը տեղեկացրել է, որ Արմեն Գևորգյանը նիստի ընթացքում հայտարարությամբ հանդես է եկել: «Կախված դատական ակտի կայացումից, եթե Գևորգյանը մնա ազատության մեջ, ապա այդ հայտարարությամբ հանդես կգա Արմեն Գևորգյանը և բոլոր պարզաբանումները կտա»,- ասաց նա, հավելելով, որ  նիստի ընթացքում մի քանի առարկություններն են ներկայացրել

«Մենք վիճարկել ենք վարույթն իրականացնող մարմնի կողմից վկայակոչված որպես կալանք հիմնավոր կասկածը՝ նշելով, որ առհասարակ Արմեն Գևորգյանի մասնակցությունն իրեն մեղսագրվող հանցագործությունների մեջ ուղղակի բացակայում է»,- ասաց Էրիկ Ալեքսանյանը: 

Zham.am