Ռուս փորձագետ. Для Путина Пашинян - «как черт из табакерки» (Տեսանյութ)

Հայաստանյան ընտրություններից հետո ռուսական փորձագիտական շրջանակները շարունակում են վերլուծել հնարավոր հետագա զարգացումները՝ Մոսկվայի ու Երևանի փոխհարաբերությունների շուրջ:

Բոլորի համար ակնհայտ է, որ նախկին հարաբերություններին վերադարձ այլևս չի լինի: Չնայած Փաշինյանի այն հայտարարությանը, թե Երևանի քաղաքականության մեջ լուրջ ռևերսներ չեն լինելու, դա արդեն Մոսկվային քիչ է հետաքրքրում:

Այստեղ սկսում է գերակա դառնալ այն գաղափարը, որ Հայաստանի իրական դերը չափազանց գերագնահատված է, և իմաստ չունի շարունակել անվերապահ աջակցել մի երկրի, որի քաղաքական վերնախավը կարող է մի օր էլ 180 աստիճան փոխել իր արտաքին ուղենիշը, ինչպես որ եղավ Իսրայելի հետ 1948 թվականին:

Միայն թուրքական իրական վտանգի աճի դեպքում է հայ հանրությունը սկսում զգալ Մոսկվայի պահանջվածությունը, նշում են այստեղ: Մանավանդ, որ հակառակի դեպքում Երևանը իրավամբ չի արժևորում իր դաշնակցի դերն ու նշանակությունը Հայաստանի անվտանգության պահպահման հարցում:

Ինչ վերաբերվում է ներկա վիճակին, ապա ըստ ռուս վերլուծաբանների, Մոսկվան վերցրել է քաղաքական պաուզա, և որոշում է իր հետագա քայելի հաջորդականությունը:

Մասնավորապես, քաղաքագետ Ալեքսանդր Կարավաևի կարծիքով, Փաշինյանը, կարճ ժամանակահատվածում դառնալու է իր իսկ պոպուլիստական խոստումների զոհը:
Իսկ Ռոբերտ Քոչարյանին կալանավորելուց հետո նրա հանդեպ վերաբերմունքը Մոսկվայում կտրուկ է փոխվելու:
Ըստ նրա, Փաշինյանը Պուտինի համար անհասկանալի կերպար է, ով չգիտես որտեղից է հայտնվել:

Բայց ըստ քաղաքագետի, Պուտինը ուղղակի չի միջամտի Հայաստանի ներքին կյանքին, պարզապես Երևանին կզրկի հնարավոր լրացուցիչ պրեֆերենցիաներից, որի շարքում գազի գնի խնդիրը կլինի առաջիններից մեկը:
Իսկ հետագա ռազմավարությունը կմշակվի զարգացումների հետ զուգահեռ, նշում է Ալեքսանդր Կարավաևը:

Zham.am