Կրթությունը կարևոր գործիք է հանցագործությունները կանխարգելելու համար
Ցեղասպանության կանխարգելման հարցերով ՄԱԿ-ի Գլխավոր քարտուղարի հատուկ ներկայացուցիչ Ադամա Դիենգը կարծում է, որ կրթությունը շատ կարևոր գործիք է ցեղասպանությունը և նմանատիպ այլ հանցագործությունները կանխարգելելու համար:
«Ընդդեմ ցեղասպանության հանցագործության» երրորդ գլոբալ ֆորումի ժամանակ Ադամա Դիենգը նշեց, որ ցեղասպանության հանցագործությունների կանխարգելումը պատասխանատվություն է, որ դրված է բոլորիս ուսերին: «Մարդկանց անհրաժեշտ է կրթել, որպեսզի նրանք հասկանան, որ մաշկի գույնը չի որոշում նրանց մարդկային լինելը, որ իմ աստվածն ավելի ուժեղ չէ, քան քո աստվածը, որ իմ մշակույթը չի գերակայում քոնի նկատմամբ, և այդ բազմազանությունը որպես այդպիսին հարստություն է, այլ ոչ խնդիր»,-ասաց նա, վստահեցնելով, որ յուրաքանչյուրը կարող է իսկապես փոխել իրավիճակը՝ թե ջատագովելով առանձին սկզբունքները կառավարության հետ համագործակցության շրջանակներում, թե ՄԱԿ-ի հետ համագործակցելով բնակչությանը պաշտպանել այնպիսի իրավիճակներից, որոնք ստեղծում են նման հանցագործությունների համար բարենպաստ պայմաններ:
«Երբ խոսում ենք ցեղասպանությունների կանխարգելման մասին, խոսքը միայն Հայաստանին չի վերաբերվում, խոսքն ամբողջ աշխարհի մասին է,:70 տարի է աշխարհի առաջնորդները միաձայն կրկնել են այլևս երբեք ՝ընդունելով ցեղասպանության կանխարգելման և ցեղասպանության հանցագործության պատժի վերաբերյալ կոնվենցիան»,-նշեց Դիենգը:
Նա վստահեցրեց, որ ցեղասպանությունը որպես հանցագործություն կոնվենցիայով չի սահմանվել, պարզապես կոնվենցիան որպես այդպիսին ստեղծել է այն իրավական պարտավորությունն ու հանձնառությունները պետությունների շրջանակներում, որ պետք է պատժեին այդ հանցագործությունները: «70 տարի անց մենք կարող ենք տոնել որոշ ձեռքբերումներ այս ուղղությամբ ևս մեկ անգամ փաստելով, թե ուր ենք հասել մեր միջազգային, իրավական, մարդու իրավունքների պաշտպանության տիրույթում»,-հավելեց Ցեղասպանության կանխարգելման հարցերով ՄԱԿ-ի Գլխավոր քարտուղարի հատուկ ներկայացուցիչը:
Հետևեք մեզ Facebook-ում