Պաշտպանության բանակն իր առջև դրված խնդիրը ապրիլյան պատերազմի ժամանակ իրականացրել է. Ս. Օհանյան

Այսօր լրագրողների հետ հանդիպման ժամանակ Պաշտպանության նախկին նախարար Սեյրան Օհանյանին հարց տրվեց այն մասին¸ թե որն էր 2016թ. ապրիլյան պատերազմի ժամանակ հայկական կողմի թերացումը¸ որի արդյուքնում մենք ունեցանք 100-ից ավել զոհեր և տարածքային կորուստներ:

Հարցին ի պատասխան Օհանյանը նշեց.

«Ես պնդում եմ¸ որ հայկական բանակը կայացած կառույց է և այն տարիների ընթացքում ձևավորվել¸ կատարելագործվել է և այսօր ի վիճակի է ապահովել մեր երկրի և Արցախի անվտանգությունը: Ապրիլյան իրադարձութոյւնները դրա վառ ապացույցն էին այն առումով¸ որ ԼՂ պաշտպանության բանակի անձնակազմը¸ նրա հրամանատարական կազմը և զինվորները իրենց հերոսություններով կարողացան այնպես անել¸ որ Ադրբեջանին իր զինված ուժերի հետ միասին ստիպեցին հետ կանգնել բոլոր նպատակներից¸ որոնք որ նրանք պլանավորել էին: Պաշտպանության բանակն իր առջև դրված խնդիրը ապրիլյան պատերազմի ժամանակ իրականցրել է այն առումով¸ որ մենք թույլ չենք տվել հակառակորդի ավելի խորը մխրճում¸ և այն տարածքները¸ որոնք որ այսօր գտնվում են երկու ուղղությամբ հակառակորդի մոտ¸ ԼՂ պաշտպանության բանակի համապատասխան ստորաբաժանումների վերահսկողության անհրաժեշտության դեպքում նաև ակտիվ կրակային խոցման և նաև ակտիվ գործողությունների շրջանակներում վերականգնման¸ հետ վերցնելու շրջանակներում են գտնվում»:

Նա նշեց նաև¸ որ Ապրիլյան պատերազմի ժամանակ իրենք վերլուծությունների շնորհիվ մի քանի եզրահանգման են եկել¸ այն է՝ զինված ուժերի զարգացման պլանը¸ սպառազինության և ռազմական տեխնիկայի զարգացման պլանը¸ առաջին գծի կահավորման խնդիրները ուղիղ համապատասխանում են այսօրվա մարտական գործողությունների և անհրաժշետության դեպքում նաև լայնածավալ պատերազմական իրիավիճակի համար:

«Այստեղ մենք ունենք փակ կողմ¸ որի մասին ես չեմ ասի ձեզ¸ բայց անհրաժեշտության դեպքում¸ եթե կարողանան փակ քննարկում իրականցնել¸ ես որպես ռազմական իմացության ներակայացուցիչ¸ կարող եմ այնեստղ իմ տեսակետները արտահայտել և համապատասխան գնահատականներ տալ»¸-պարզաբանեց նա: