Դավիթ Հարությունյանն իր աշխատանքը ԱԺ-ում չի պլանավորում
Ինչո՞ւ ՀՀԿ համամասնական ցուցակում չկա ՀՀ Կառավարության աշխատակազմի ղեկավար-նախարար Դավիթ Հարությունյանի անունը, հարցին այսօր նա լրագրողների հետ ճեպազրույցում ասաց. «Քանի որ ես չեմ պլանավորում իմ աշխատանքը ԱԺ-ում»: Այս մասին տեղեկացնում է Ա1plus.am-ը:
Իսկ թե ինչու ՀՀԿ-ն որոշեց, որ համամասնական ցուցակը պետք է առաջնորդի Պաշտպանության նախարար Վիգեն Սարգսյանը, արդյոք դա նշանակո՞ւմ է ուժային մեթոդներով հարց լուծել, նա նշեց. «Լրացուցիչ մեկնաբանության կարիք չունեմ»:
ՀՀԿ խոստումները, թե նոր ԱԺ-ում որակական նոր փոփոխություններ են լինելու, կարծես թե իրական չեն՝ հաշվի առնելով իշխող կուսակցության ներկայացրած ցուցակը, որտեղ ոչ միայն գրեթե նույն դեմքերն են, այլեւ սկանդալային տարբեր իրավիճակներում հայտնված անձինք, Դավիթ Հարությունյանը պատասխանեց. «Ցավոք սրտի, ժողովրդավարությունը չի լուծում բոլոր խնդիրները, սակայն միաժամանակ ավելի լավ լուծում այս պահին մենք չունենք, քան ժողովրդի ընտրությունն է: Ներկուսակցական պայքարը շատ բնական է հենց այս ԸՕ-ով: Սա ժողովրդավարության կարեւորագույն գործիքներից մեկն է, ու բոլոր փորձերը աղավաղելու, ժողովուրդն է տալու այդ բոլոր հարցերի պատասխանները»:
Մանրամասները՝ սկզբնաղբյուր կայքում:
Հետևեք մեզ Facebook-ում