1,5 տոննա նախընտրական մանդարին արդեն հասել է իր տիրոջը

«Քաղաքացու որոշում կուսակցությունն» այս ընթացքում արդեն 1,5 տոննա մանդարին է բաժանել: Այս մասին լրագրողների հետ զրույցում ասացին կուսակցության անդամները:

Հիշեցնենք, որ քաղաքական ուժը  նախընտրական բուկլետների հետ նաև  մանդարին է  բաժանում: 

1,5 տոննա մանդարինը բաժանվել է քարոզարշավի յոթ օրերի ընթացքում, այս  պահին էլ կուսակցության գրասենյակում արկղերով մանդարիններ են դրված:

Բանախոսներից մեկն էլ տեղեկացրեց, որ  ինքը հիմնականում մանդարինը գնում է Մալաթիայի շուկայից, Սաքոյի մոտից, 230-240 դրամով:
Արդեն շուրջ 300 հազար դրամ է ծախսվել կուսակցական մանդարինի համար,  նախատեսել են մինչեւ 500 հազար դրամ ծախսել մանդարինի համար:
Այդ ծախսերը կուսակցության նախընտրական հիմնադրամից են կատարվում, եթե կարիք լինի,  500 000 դրամի վրա գումար կավելացնեն, քանի որ իրենց նախընտրական դրամահավաքը շարունակվում է:

Zham.am