Նաիրա Զոհրաբյանի սանրվածքը քննարկում են ոչ միայն հայկական, այլ նաև ռուսական, նույնիսկ՝ արաբական մամուլում

«Հրապարակ»-ը գրում է. «ԲՀԿ-ական Նաիրա Զոհրաբյանի իմիջի փոփոխությունը շատ քննարկվեց ոչ միայն հայկական, այլ նաև ռուսական, նույնիսկ՝ արաբական մամուլում․ եգիպտական թերթ էր գրել: Տիկնոջ նոր իմիջը համարեցին նախընտրական հնարք, սակայն Նաիրա Զոհրաբյանին վիրավորում են նման եզրահանգումները, քանի որ, իր կարծիքով, ինքն այնպիսի քաղաքական գործիչ է և ունի այնպիսի կենսագրություն, որ քվե ակնկալելու է միայն կատարած աշխատանքով։ Իսկ ինչո՞ւ հիմա, ո՞ւմ խորհրդով է փոխել իմիջը։

«Ընդամենը սանրվածքի փոփոխություն էր, և ուրախ եմ, որ դրական արձագանք գտավ և դուր եկավ շատ-շատերին»։ Զոհրաբյանը չի թաքցնում, որ սանրվածքի հարցում միշտ եղել է պահպանողական ու ընկրկել է միայն ոճաբան ընկերոջ՝ Վահագն Խաչոյանի համառ առաջարկների առաջ․ «Նա անընդհատ հորդորում էր ինձ փոխել սանրվածքս ու բացել ճակատս։ Եվ վերջապես ես որոշեցի, ի պատիվ թավշյա հեղափոխության, փոխել նաև իմ իմիջը և իսկապես շատ ուրախ եմ, որ նոր իմիջս բավականին դրական արձագանք գտավ»։

Մանրամասները՝ թերթի այսօրվա համարում: