Ո՞րն էր «Սասնա Ծռերի» նախընտրական արշավի առաջին օրվա գլխավոր մեսիջը. Տեսանյութ

Այսօր, նախընտրական արշավի առաջին օրը, «Սասնա Ծռերը» սկսեցին խորհրդարանի բակից, ինչը սիմվոլիկ բնույթ ուներ: Կարծես դրանով «Ծռերը» ուզում են մեսիջ ուղարկել հանրությանը, թե այս ուժը մտնում է խաղաղ սահմանադրական դաշտ: Այդ միտքը հնչեցրեց նաև քաղաքագետ Ստեփան Գրիգորյանը:

Հետաքրքիր էր, որ «Ծռերի» բոլոր անդամները հանդես էին գալիս սպիտակ շարֆերով, իսկ այս գույնը «մաքրության», «արդարության», «անմեղության» խորհրդանիշ է, որն իր մեջ պարունակում ու համախմբում է բոլոր գույների ողջ սպեկտրը: Հավանաբար, այս սիմվոլիզմով էլ «Ծռերը» փորձում են հանդես գալ, որպես «համախմբող» ուժի դիրքերից:

Եվ վերջապես, առաջին օրվա իրենց գլխավոր մեսիջն այն էր, որ իրենք ապագա ԱԺ-ն դիտարկում են որպես ժամանակավոր մարմին և կողմ են, որ 2 տարի անց անցկացվեն նոր ընտրություններ, իսկ մինչ այդ պետք է ընդունվի նոր Սահմանադրություն:

Այս մեսիջով «Ծռերը» փաստացի մարտահրավեր են նետում ոչ միայն, իրենց բնորոշմամբ, «հին» ուժերին, այլև՝ Փաշինյանի թիմին, որին համարում են «ժամանակավոր իշխանություն»:

Արտակ Հակոբյան