Նոր Հայաստանում արտագաղթի նոր զարկ ենք տալիս

Ալավերդի պղնձաձուլական գործարանի աշխատողներից մի քանիսն արդեն Հայաստանից մեկնել են արտագնա աշխատանքի. հանքը փակ է արդեն մի ամիս: Ստացվում է, որ Նոր Հայաստանում արտագաղթին նոր զարկ ենք տալիս ու նոր փուլ ենք մտնում: Ես զարմանում եմ այն դիրքորոշման վրա, որը որդեգրել է կառավարությունը: Փակում եք եղած աշխատատեղերը, դրա դիմաց ի՞նչ առաջարկելով: Փակում եք հարյուրավոր մարդկան եկամուտի աղբյուրը, ինչի՞ դիմաց, մենք նոր Հայաստանում սա՞ էինք փափագում:

Ես հասկանում եմ՝ հանքը գործել է խախտումներով, բայց աշխատողներն ի՞նչ անեն, լավ, նրանց ուրիշ աշխատանք առաջարկում ե՞ք, որ հանքը փակում եք, թե հների նման ասում ե՞ք՝ աշխատատեղեր կան, մարդիկ չեն աշխատում. սա հին իշխանությունների մոտեցումն է, մի մոռացեք ու հին ձևերը մի կրկնեք:

Սրան էլ զուգահեռ Ամուլսարի հանքի աշխատանքները նույնպես դադարեցրեցին արդեն կես տարի է՝ չունենալով հիմնավոր պատճառ՝ հազարավոր աշխատողներին թողնելով բախտի քմահաջույքին, ինչի հետևանքով նրանցից ոմանք էլ բռնեցին արտագաղթի ճամփան: Հա, Ալավերդու հանքը շատ խախտումներ է արել, փակել եք, բա Ամուլսա՞րն ինչ էր արել, թիթեռի պատճառն էլ հերքվեց, որդեր էլ չկան, հիմա ինչո՞ւ եք փակ պահում ամերիկյան ընկերության կողմից միլիարդավոր ներդրումներ իրականացրած ծրագիրը: Ասում եք մինչև գարուն հարցին լուծում կտաք, իսկ մարդիկ ի՞նչ անեն մինչև գարուն. նստեն թաղտին, սպասեն բախտի՞ն:

Սարգսյան Հելենի ֆեյսբուքյան էջից