Ի՞նչ արժի նախընտրական գովազդի 1 րոպեն հեռուստաընկերություններում

Կենտրոնական ընտրական հանձնաժողովը  հրապարակել է ՀՀ Ազգային ժողովի դեկտեմբերի 9-ի արտահերթ ընտրությունների նախընտրական քարոզչության համար տրվող վճարովի եթերաժամի արժեքը: 

Այսպիսով,  գովազդի 1 րոպեն ամենաթանկը  «Արմենիա» և  «Շանթ» հեռուստաընկերություններում է, այս երկու  հեռուստաընկերություններում նախընտրական գովազդի 1 րոպեն արժի 100 հազար դրամ:

Երկրորդ տեղում «Հ2»-ի հեռուստածրագիրն է, որտեղ գովազդի 1 րոպեի համար  սահմանվել է 60 հազար դրամ արժեքը՝ առավելագույնը 10 րոպե տեւողությամբ՝ օրվա պիկ ժամերին,  30 հազար դրամ՝ մյուս ժամերի համար:

Երրորդ տեղում «Առաջին ալիք» հեռուստածրագիրն է (Հայաստանի հանրային հեռուստաընկերություն), այստեղ 1 րոպեն  արժի  48 հազար դրամ:

«Ա -Թիվի»  հեռուստաընկերությունը  նախընտրական գովազդի 1 րոպեի համար սահմանել է 40 հազար դրամ: 

Հինգերորդ և  վեցերորդ տեղերում են համապատասխանաբար «Երկիր Մեդիա» եւ «Կենտրոն» հեռուստաալիքները՝ 1 րոպեի համար 25 հազար և  24 հազար դրամ արժեքներով:

Այնուհետ՝ «Արմնյուզ» հեռուստածրագիրն է՝ 20 000 դրամ արժեքով, «Ար» հեռուստածրագիրը՝  20 հազար դրամ արժեքով, « Հ3» հեռուստածրագիրը՝ 18 000 դրամով եւ «21TV» հեռուստածրագիրը՝ 8 000 դրամ արժեքով:

Մարզային հեռուստաընկերություններում գներն անհամեմատ ավելի մատչելի են՝ ընդհուպ մինչեւ 1000 դրամ՝ 1 րոպեի համար: