Թուրքիան բացե՞լ է Հայաստանի հետ սահմանը. թուրք դեսպանը հրատապ հայտարարություն է տարածել (Լուսանկարներ, Տեսանյութ)

Նախօրեին Թուրքիայի առաջատար ԶԼՄ-ից մեկը՝ Haberturk-ը¸ հղում անելով ASİMDER-ի՝ «Հայերի չհիմնավորված պահանջների դեմ պայքարի» կազմակերպության ղեկավար Գեքսել Գյուլբեյի սենսացիոն այն հայտարարությանը¸ որ Թուրքիան հարյուրավոր հայկական բեռնատարների համար բացել է սահմանը: Նրա խոսքերով¸ Անկարան թույլատրել է 400 հայկական բեռնատարի ամեն տարի Տրապիզոնի նավահանգստից բեռնափոխադրումներ իրականացնել: Նման թույլտվություն տրվել է Վրաստանում Թուրքական դեսպանությունից:

Ինչպես հաղորդում է ադրբեջանական Haqqin.az կայքը¸ վերը նշված լուրի հետ կապված խմբագրություն է զանգահարել Ադրբեջանում Թուրքիայի դեսպանի մամուլի խոսնակ Համիդ Կարադենիզը՝ խնդրանքով հրատապ հրապարակել դեսպանի հերքումը: Ըստ Կարադենիզի¸ Haberturk-ը ստիպված կլինի հեռացնել այդ լուրը կայքից առաջիկա ժամերին: 

«Մի շարք ԶԼՄ-ի հրապարակումն այն մասին¸ որ Թուրքիան բացել է սահմանը հայկական բեռնատարների համար¸ չի համապատասխանում իրականությանը: Վրաստանում Թուրքիայի դեսպանության կողմից ՀՀ քաղաքացիներին տրված աշխատանքային վիզաները¸ հետագայում Տրապիզոնի նավահանգիստ ուղղվելու համար բեռնատար մեքենաներով չի հանդիսանում քննարկման առարկա»¸- ասվում է հաղորդագրության մեջ:

Zham.am