ՀԱԿ-ն է՞լ է որոշում կայացրել՝ չմասնակցելու ընտրություններին
Ըստ տարբեր աղբյուրներից եկող լրատվության, այսօր կամ վաղը ՀԱԿ-ը հայտարարությամբ հանդես կգա, որտեղ կհայտարարվի, որ չի մասնակցի գալիք ընտրություններին:
Եթե այդպես լինի, ապա կարող ենք խոսել իսկական զավեշտի մասին: Ընդամենը մեկ ամիս առաջ այս ուժի ներկայացուցիչները կոկորդ էին պատռում, թե օր առաջ պետք է անցկացնել արտահերթ ընտրություններ: Երբ պարզաբանվում էր, որ հապճեպ չի կարելի ընտրություններ անցկացնել, դա գնահատվում էր որպես «հակահեղափոխական» դիրքորոշում:
Ի՞նչ են ասելու այդ մարդիկ այսօր կամ վաղը, երբ իրենց կուսակցությունը ընտրությանը չմասնակցելու որոշում կայացնի:
Իհարկե կարող են մոգոնել շինծու պատրվակ, թե իբր հին ԸՕ-ն է պատճառը, բայց դե նույնիսկ քաղաքականությունից լրիվ անտեղյակների համար էլ պարզ կլինի, որ դա ծիծաղելի է: Եթե «Առաջնորդը» ցանկանար, ապա հոկտեմբերի 2-ին նման ամբոխի ճնշման միջոցով կարող էր որոշում անցկացնել, որ ասենք, «մածունն այսօրվանից սև ենք համարելու»:
Այնպես, որ ԸՕ-ի և «մեշոկ պապիի» վրա մեղքը բարդելը իսկապես մեղք է լինելու:
Դավիթ Մկրտչյան
Հետևեք մեզ Facebook-ում