Չարենցավանում դպրոցականները ճանապարհ են փակում (տեսանյութ)

Այսօր՝ նոյեմբերի 12-ին, Չարենցավանի թիվ 3 դպրոցի ուսուցիչներն ու աշակերտները գործադուլ և դասադուլ են սկսել: Նրանք պահանջում են իրենց դպրոցի տնօրեն Լուսինե Կարապետյանի վերադարձը՝ չընդունելով նորընտիր տնօրեն Աննա Բալյանին: Այս պահին նրանք բողոքի երթ են անցկացնում Չարենցավանի փողոցներով՝ տեղ-տեղ փակելով ճանապարհները:

Երթն ուղեկցող ոստիկաններն էլ հորդորում են երթն անցկացնել՝ առանց երթևեկությանը խոչընդոտելու: Ցուցարարները երթի ընթացքում վանկարկում են՝ Բալյան, հեռացիր, կամ՝ Կարապետյան, Կարապետյան: Կազմակերպիչներից մեկը որոշեց կանոնակարգել վանկարկումների հարցը. «Երեխեք ջան, ինչ անում ենք, անում ենք միասին, ուրեմն որոշում ենք՝ երկու հատ ծափ, հետո՝ Կարապետյան: Գնացինք»:

Մանրամասները՝ «Հրապարակ»-ի տեսանյութում: