Խոշոր ավտովթար. վարորդը եղել է ոչ սթափ. կա 5 վիրավոր

Այսօր՝ նոյեմբերի 11-ին, խոշոր ավտովթար է տեղի ունեցել Արարատի մարզում:

Ժամը 09: 50-ի սահմաններում Երևան –Երասխ ավտոճանապարհի 12-րդ կմ հատվածում՝ Մասիսի վարչական տարածքում, բախվել են Mercedes մակնիշի 34 TD 004 համարանիշի և Opel Zafira մակնիշի 90 AO 055 համարանիշի ավտոմեքենաները:

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 5 հոգի, որոնց առաջինը օգնության են հասել այդ պահին նշված վայրում ծառայություն կատարող ճանապարհային ոստիկանները, քաղաքացիների օգնությամբ տեղափոխվել են Մասիսի բժշկական կենտրոն:

Օպերատիվ են գործել նաև Մասիսի հիվանդանոցի բժիշկները:

Անցկացվում են հետաքննչական աշխատանքներ:

Ոստիկանությունը պարզում է վարորդների և վիրավորների ինքնությունը: Ֆ

Ֆոտոլրագրողը հայտնում է նաև, որ վթարի մեղավորը եղել է Mercedes-ի վարորդը, ով երթևեկել է հանդիպակաց և փորձել շրջադարձ կատարել, որից հետո վթարային իրավիճակ է ստեղծել Opel–ի համար, ինչն էլ դարձել է վթարի պատճառ:

Մանրամասները՝ Shamshyan.com - ում: