Ինչքանո՞վ ժամանակավոր կլինի Փաշինյանի իշխանությունը, կախված է բացառապես իր քայլերից. Տեսանյութ
Այսօր շատերը, և Հայաստանում, և երկրից դուրս Նիկոլ Փաշինյանին համարում են ժամանակավոր կառավարիչ: Նույնիսկ հաշվի չի առնվում այն հանգամանքը, որ գալիք ընտրություններում Փաշինյանը ոչ միայն դե-ֆակտո, այլև դե-յուրե ամրագրելու է իր իշխանությունը: Սույն թեզը այս տեսակետի կողմնակիցները հիմնավորում են նրանով, որ Փաշինյանը, պետական կառավարման փորձ չունի, և իր իշխանությունը ձևավորելու է «մեծերի մանկապարտեզի» մոդելով, ինչը երկարաժամկետ հեռանկար չի կարող ունենալ:
Մյուսների կաքրծիքով, այլևս ոչինչ Փաշինյանին չի խանգարելու երկրում հաստատել անձիշխանություն: Նույնիսկ, երբ հայտնի էյֆորիան երկրում շեշտակի նվազի, միևնույն է, նշում են նրանք, Փաշինյանի դիրքերը ոչ ոք չի կարողանա սասանել, օրինան բերելով Սերժ Սարգսյանի փորձը: Եթե գրեթե զրոյական լեգիտիմ ունեցող Սերժ Սարգսյանին հաջողվեց կառավարել երկիրը 10 տարի, ապա ի՞նչն է խանգարելու Փաշինյանին կառավարել նույն ժամկետով, նշում են այս տեսակետի կողմնակիցները:
Կա նաև երրոդ կարծիք, որ ոչինչ նախօրոք կանխորոշված չէ, և Փաշինյանի ճակատագիրը կախված է բացառապես իր հետագա քայլերից: Ըստ այդ տեսակետի կողմնակիցների, Սերժի ժամանակ հասարակությունը քնած էր և չեր հավատում, որ ինքնուրույն կարող է փոխել իր ճակատագիրը, մինչդեռ այսօր մենք ունենք արթնացած հասարակություն, ով մի անգամ տեսել է, որ կարող է փոխել իշխանությունը և նույնը կանի, եթե տեսնի, որ Փաշինյանը շեղվում է իր խոստացած գլխավոր ուղենիշից:
Մյուս կողմից, այս տեսակետի կողմնակիցները Փաշինյանին չեն համարում կոնստանտ-գործիչ, համարելով, որ իշխանությունը կփոխի իրեն և նա կհրաժարվի իր նախկինում ունեցած պարզունակ պատկերացումներից:
Անկասկած, այս երրորդ տեսակետը ամենամոտն է ճշմարտությանը: Խնդիրը կայանում է սակայն նրանում, թե ինչքանով նա կկարողանա փոփոխվել և արդյոք չի՞ կորցնի ժամանակի պահը: Ահա սա է խնդիրը, որի պատասխանը ոչ ոք չունի: Ինչը նաև մեծացնում է անկանխատեսելիության գործոնը, թե երկրի զարգացման, և թե Փաշինյանի իշխանության հեռանկարի համար:
Արտակ Հակոբյան
Հետևեք մեզ Facebook-ում