Սպիտակ տունը դադարեցրել է լրագրողի հավատարմագրումը՝ Թրամպի հետ բանավեճից հետո. Տեսանյութ

ԱՄՆ նախագահ Թրամփի մամուլի ասուլիսի ժամանակ նախագահի ու լրագրողի միջև տեղի ունեցած բանավեճից հետո Սպիտակ տունը դադարեցրել է CNN-ի լրագրող Ջիմ Ասքոթայի հավատարմագրումը:

Ինչպես հաղորդում է The Guardian-ը, Ասքոթան որպես լրագրող է աշխատում այն լրատվամիջոցներում, որոնց Թրամփն անվանում է «fake news» (կեղծ լուր): Այս կերպ նա փորձում է որոշակի տրամադրություն ստեղծել հանրության մեջ:

Նախօրեին ընտրություններից հետո Թրամփի հրավիրած մամուլի ասուլիսի ժամանակ CNN-ի լրագրողը փորձել է հակառակվել Թրամփին՝ կապված Մեքսիկայով դեպի ԱՄՆ շարժվող «միգրանտների քարավանի» վերաբերյալ արտահայտվող կտրուկ մտքերին ու գործողություններին:

Թրամպը փորձել է չպատասխանել նրան, սակայն լրագրողը համառորեն հրաժարվել է վերադարձնել բարձրախոսը՝ հրելով կնոջը, ով փոձել է վերցնել այն: 

ԱՄՆ նախագահը Ասքոթին անվանել է «կոպիտ, սարսափելի մարդ»:

Ուշագրավ է, որ տեղի ունեցացածից  ժամեր անց Սպիտակ տան մամուլի քարտուղար Սարա Սանդերսը հայտարարել է, որ Սպիտակ տունը դադարեցնում է լրագրողի հավատարմագրումը։