Գլխավոր դատախազ Արթուր Դավթյանը հաստատ 21 դարի Վիշինսկի չի կարող դառնալ. Տեսանյութ

Ինչպես հայտնի է, 20 դարի սկսզբում Ռուսաստանում կար մի տխրահռչակ դատախազ, որի անունն էր Անդրեյ Վիշինսկի:

Նա պատմության մեջ մնացել է, որպես այդ երկրի ամենախայտառակ գործիչներից մեկը:

Բանն այն է, որ 1917-ին, «սիրո և հանդուրժողականության» փետրվարյան հեղափոխությունից հետո, նա ժամանակավոր կառավարության գլխավոր դերակատարներից մեկն էր դարձել, «մենշևիկ էր», ով այդ տարվա հուլիսին Կերենսկու հորդորով հրամանագիր էր ստորագրել՝ Լենինի ձեռբակալության վերաբերյալ:
Սակայն բոլշևիկների հաղթանակից հետո նա ոչ միայն չփախավ Ռուսաստանից, այլև անդամագրվելով բոլշևիկյան կուսակցության մեջ՝ ակտիվորեն մասնակցեց հակաբոլշիկյան ուժերի հետապնդմանը:

Ավելին, Լենինին ձեռբակալելու հրաման տվողը 1935-ին Ստալինի կողմից նշանակվեց գլխավոր դատախազի պաշտոնում, և ակտիվորեն մասնակցեց, «հակալենինյան» գործիչների դեմ դատավարություններին: Ըստ տարբեր տվյալների, նրա ժամանակ 1935-ից մինջև 1938 թվականները ԽՍՀՄ-ում այս տխրահրչակ մարդու հրամաններով մահվան էին դատապարտվել ավելի քան 1,5 մլն մարդ:

Վերադառնալով մերօրյա «Վիշինսկու» դերի հավակնորդին, ներկայիս դատախազ Արթուր Դավթյանին, նշենք հետևյալը:

Հասկանալի է, որ 2018-ի ապրիլին նրա միջնորդությամբ առաջարկվել էր Փաշինյանին զրկել պատգամավորական անձեռմխելիությունից: Հասկանալի է նաև այն, որ երբ 2016-ին նա նշանակվեց հանրապետության գլխավոր դատախազ, երկրում շեշտակիորեն շատացավ քաղբանտարկյալների քանակը:

Հասկանալի է նաև այն, որ թավշյա հեղափոխությունից հետո նա փորձում է պահպանել իր տեղը՝ ծառայելով արդեն նոր իշխանություններին: Սակայն պետք է նշել, որ 21 դարում, երբ ամեն ինչ շատ արագ է զարգանում, ամեն ինչ շատ արագ էլ փոփոխվում է:
Եվ երբ նա, հաճոյանալով ներկայիս իշխանություններին, մերժում է հիվանդ մարդու խափանման միջոջը որպես կալանք փոխելը, ուրեմն պիտի իմանա նաև, որ իրավիճակի հաջորդ փոփոխության ընթացքում նա կարող է հայտնվել անսպասելի իրավիճակում:

Քանզի դա է պահանջելու պատմական պահը: Անշուշտ, երկրում հաստատվելու է համերաշխության մթնոլորտ, սակայն դա իրեն չի վերաբերվելու, քանզի Հայաստանը, այն էլ 21 դարում, չի կարող իրեն թույլ տալ բուծել նոր «Վիշինսկի»:

Եվ դա պետք է օրինակ ծառայի մյուսների համար, քանզի միայն այդպես է հնարավոր առողջացնել երկրի մթնոլորտը:

Արտակ Հակոբյան