Եթե ՀԱՊԿ-ում Հայաստանը կորցնի գլխավոր քարտուղարի պաշտոնը, ապա հաջորդ շանսը կլինի 15 տարի անց (Տեսանյութ)

Ինչպես հայտնի է, Խաչատուրովի հետկանչից հետո, նոյեմբերի 8-ին Աստանայի ՀԱՊԿ-ի հերթական գագաթաժողովի ընթացքում նոր գլխավոր քարտուղարի հարցը պիտի լուծում ստանա:

Բանն այն է, որ ՀԱՊՔ-ի կանոնադրությամ նման դեպք նախատեսված չի եղել, և դժվար է ասել, թե Հայաստանը կկարողանա՞ արդյոք պահել իր տեղը:

Ըստ որոշ աղբյուրների, Հայաստանի թեկնածությանը դեմ են Բալառուսի, Ղազախստանի և Ղրղզստանի ներկայացուցիչները: Մոսկվանի դիրքորոշումը սպասողական է:

Պարզ է մեկ բան, եթե Երևանը կորցնի այս պաշտոնը, ապա հաջորդ անգամ այդ պաշտոնին կկարողանա հավակնել 15 տարի անց, քանի որ ռոտացիոն կզբունքով պետք է սպասի հաջորդ հինգ երկրների հերթին, իսկ ամեն մի թեկնածու պետք է պաշտոնավարի երեքական տարի:

Իսկ թե ինչ վնասներ կարող է ունենալ Հայաստանը այս ամենից, դժվար չէ կռահել:
Թեև այս պաշտոնը ֆորմալ բնույթ ունի, այնուամենայնիվ, վճռական, ֆորս-մաժորային վիճակի դեպքում նրա դերակատարությունը կարող է մեծանալ, իսկ նման իրավիճակ կարող է առաջանալ:

Ինչևիցե, պարզ է մեկ բան, երբ մեր ներքին խնդիրների պատճառով կարող ենք ակամայից վնասներ կրել նաև արտաքին ոլորտներում, հռետորական հարցադրում է առաջանում՝ միթե արժեն այդ ներքին խնդիրները, որի պատճառով երկիրը պետք է վնասներ կրի դրսում:

Արտակ Հակոբյան