Հայ-իրանական սահմանը կարող է փակվել. Փաշինյանի վտանգավոր հայտարարությունը
«Հայ-իրանական սահմանը դե ֆակտո ամեն պահի կարող է փակվել՝ ԱՄՆ-ի և Իրանի միջև հարաբերությունների և աշխարհաքաղաքական իրավիճակի պատճառով։ Հայ-վրացական սահմանը դե ֆակտո կարող է փակվել, օրինակ՝ վատ եղանակային պայմանների պատճառով, աշխարհաքաղաքական պայմանների պատճառով»,– երեկ Ազգային Ժողովում հայտարարեց վարչապետի ժամանակավոր պաշտոնակատար Նիկոլ Փաշինյանը:
Որքան էլ իշխանական քարոզիչները փորձեն համոզել, որ Փաշինյանի հայտարարությունը տեսական բնույթ ունի, միևնույն է այն աննախադեպ էր և ունենալու է իր հետևանքները: Առաջին անգամ է, երբ Հայաստանի ղեկավարը հայտարարում է հայ-իրանական սահմանի փակման հնարավորության մասին և այդ փակումը կապում ԱՄՆ վերաբերմունքի հետ: Գրում է Politik.am-ը:
Փաշինյանի հայտարարությունից հետո իրանական կողմը ևս իր համար հետևություններ պետք է անի և բնական է իր հարաբերությունները հայկական կողմի հետ պետք է բխեցնի հենց նման տրամաբանությունից, որն առաջարկեց Փաշինյանը:
Փաստորեն Փաշինյանը ԱՄՆ նախագահի խորհրդական Բոլթոնի Հայաստանում հայ-իրանական սահմանի վերաբերյալ արած հայտարարությունից հետո երկրի արտաքին քաղաքականությունը բխեցնում է դրանից:
Հետևեք մեզ Facebook-ում