Նոյեմբերի 6-ին Ազատության հրապարակում նախատեսվում է հանրահավաք կազմակերպել

«Դեմ ենք այլասերման քարոզին՝ Հայաստանում» նախաձեռնությունը նոյեմբերի 6-ին հանրահավաք է կազմակերպում Ազատության հրապարակում։

Նախաձեռնող խումբը հայտարարություն է տարածել, որում ասվում է.

«Հայաստանի Հանրապետությունում ազգային-հոգևոր և ընտանեկան (նույնն է թե ավանդական) արժեքների դեմ իրականացվող գործընթացները մտել են վճռորոշ փուլ՝ վերածվելով այլևս ազգային սպառնալիքի։

«Հանուն ազգային արժեքների» նախաձեռնությունը կոչ է անում յուրաքանչյուրիդ մասնակցելու ազգային-հոգևոր և ընտանեկան արժեքների պաշտպանությանը նվիրված հանրահավաք-երթին, որը տեղի կունենա նոյեմբերի 6-ին՝ ժամը 14:00-ին, Ազատության հրապարակում։

Հրավիրում ենք Հայ Առաքելական Սուրբ Եկեղեցու հավատացյալներին, եկեղեցասեր երիտասարդական կառույցներին, ՀԿ-ներին, բուհական միություններին, ուսանողներին, կուսակցություններին և առհասարակ բոլոր մտահոգ անձանց։
Արի՛ ժողովրդի ձայնը լսելի դարձնելու ի լուր աշխարհի և միանալու Հայաստանում այլասերության/այլասերվածության քարոզչության դեմ պայքարին»: 

Zham.am