Կամո Արեյանին պաշտոն են առաջարկում․ տարեկան 60 հազար դոլարի կոնյակ գնելը անհրաժեշտ է
Երեւանի քաղաքապետարանի հոկտեմբերի 29-ի արտահերթ նիստից հետո քաղաքապետ Հայկ Մարությանը լրագրողների հետ զրույցում հայտարարել է, որ կարեւորում է նախկին փոխքաղաքապետներ Կամո Արեյանի եւ Վահե Նիկոյանի պրոֆեսիոնալիզը։ Նա նրանց առաջարկել է մնալ եւ աշխատել․ «Ես առաջարկել եմ Վահե Նիկոյանին որպես խորհրդական պաշտոնավարել, սակայն նա հրաժարվել է, բայց միեւնույն ժամանակ ասել է, որ պատրաստ է օժանդակելու ինֆորմացիայի փոխանցման հարցում։ Կամո Արեյանի հետ զրույց կունենանք, եթե նա ցանկանա ընդունել քաղաքապետի խորհրդական լինելու առաջարկը, ապա ես կցանկանամ աշխատել նրա հետ»։
Լսելով քաղաքապետ Հայկ Մարությանին՝ ակամայից զարմանք ես ապրում։ Ինչպե՞ս կարող է նա ցանկանալ աշխատել մարդկանց հետ, ովքեր քաղաքապետ Տարոն Մարգարյանի ժամանակ կարևորագույն պաշտոններ են զբաղեցրել։ Բայց չէ՞ որ «Իմ քայլը» դաշինքը, Նիկոլ Փաշինյանը և անձամբ Հայկ Մարությանը բազմաթիվ անգամներ հայտարարել են, որ Տարոն Մարգարյանի ղեկավարած քաղաքապետարանը թալանում է քաղաքացիներին։
Ու հիմա ստացվում է, որ քաղաքային նոր իշխանությունները «ջրում» են նախկինում իրենց հնչեցրած մեղադրանքները։ Ստացվում է՝ նախկին քաղաքային իշխանությունները այնքան էլ թալանչի չեն եղել, որ առաջին փոխքաղաքապետին նոր պաշտոն են առաջարկում։
Իրականում առավել արդար կլիներ, որ Հայկ Մարությանը հրապարակային և անկեղծ հայտարարեր, որ չի կարող վարել քաղաքային տնտեսությունը, և փորձառու որևէ մեկից օգնություն է անհրաժեշտ։ Գուցե այդ դեպքում նախկին քաղաքապետ Տարոն Մարգարյանն էլ ցանկանա օգնել Հայկ Մարությանին։
Ի դեպ, Կամո Արեյանը այն փոխքաղաքապետն է եղել, ով Երևան քաղաքի բյուջեից տարեկան 30 մլն դրամի կոնյակ գնելը անհրաժեշտ ծախս է համարել։
Հետևեք մեզ Facebook-ում