Վովա Գասպարյանն էլ հեռացավ երկրից. ինչո՞ւ Սերժ Սարգսյանի փեսան նրան ճանապարհեց
«Ժամանակ» օրաթերթը գրում է. «Նախօրեին Դուբայ է մեկնել ՀՀ նախկին ոստիկանապետ Վլադիմիր Գասպարյանը: Օդանավակայանում Գասպարյանին ճանապարհել են Սերժ Սարգսյանի փեսա Հայկ Խաչատրյանը և Գասպարյանի թիկնազորի անդամները: Դժվար է ասել՝ Դուբայը Գասպարյանի համար վերջնակա՞ն հանգրվան է, թե՞ ընդամենը տարանցիկ քաղաք, հայտնի չէ նաև, թե նա որքան ժամանակ է մտադիր անցկացնել արտասահմանում:
«Ժամանակ» թերթը գրում է. «2013թ. նախագահական ընտրություններից հետո կալանավորվեց նախագահի թեկնածու, այսպես կոչված՝ էպոսագետ Վարդան Սեդրակյանը, ով դատապարտվեց 14 տարվա ազատազրկման: Նա մեղադրվում էր նախագահի մեկ այլ թեկնածուի` Պարույր Հայրիկյանի դեմ մահափորձ կազմակերպելու մեջ:
«Ժամանակ»-ի տեղեկություններով՝ Սեդրակյանը կողմնակիցներ և հետևորդներ է ունեցել ոչ միայն ընդդիմության մեջ, այլ նաև նախագահական ապարատում: Մասնավորապես՝ Սեդրակյանի ազդեցության տակ է գտնվել նախագահի վերահսկողության ծառայության ղեկավար, այնուհետև ՊԵԿ նախագահ Հովհաննես Հովսեփյանը, այն աստիճան, որ նրան դիմել է պարոն նախագահով:
Հովսեփյանը նախագահական ապարատի մի խումբ աշխատակիցների հետ ժամանակին հաճախել է Վարդան Սեդրակյանի կազմակերպած էպոսի տեղայնացման դասընթացներին, դարձել նրա հոգեորսության զոհը և շարունակում է հավատալ Ագռավաքարից Փոքր Մհեր-Վարդան Սեդրակյանի դուրս գալու և իր հետ փրկություն բերելու գաղափարին»:
Հետևեք մեզ Facebook-ում