Ադելը Մեծ Բրիտանիայի ամենահարուստ երիտասարդ աստղ է ճանաչվել

Հայտնի երգչուհի Ադելը կրկին Մեծ Բրիտանիայի ամենահարուստ երիտասարդ աստղ է ճանաչվել, որի կարողությունը գնահատվել է 189 մլն դոլար: Այս մասին գրում է Tert.am -ը` հղում անելով Daily Mail-ին: 30-ամյա երգչուհին արդեն երրորդ տարին անընդմեջ այս կոչմանն է արժանանում:

Հայտնի է, որ Ադելի կարողությունը մեկ տարում ավելացել է 21 մլն դոլարով:

Աստղին հաջորդում է Միացյալ Թագավորության ամենահամակրելի կարմրահերներից մեկը՝ 27-ամյա երգիչ Էդ Շիրանը, որի կարողությունը 120 մլն դոլար է:

Մեծ Բրիտանիայի ամենահարուստ երիտասարդ աստղերի լավագույն եռյակը եզրափակում է Հարի Փոթերի դերակատար 29-ամյա Դենիել Ռեդքլիֆը՝ 111 մլն դոլարով:

Առաջատար տասնյակում են ներառվել նաև Հարի Սթայլսը, Էմմա Ուոթսոնը, «Լիթլ Միքս» խումբը, Նեյլ Հորանը, Լյուիս Թոմլինսոնը, Լայամ Փեյնն ու Զայն Մալիքը: