Որքանո՞վ է բարոյական և օրինական մշտական բժշկական խնամքի պահանջ ունեցող մարդուն պահել կալանավորում

Որքանո՞վ է բարոյական և օրինական մշտական բժշկական խնամքի պահանջ ունեցող մարդուն պահել կալանավորում

Ես միշտ շատ ուրախ մարդ եմ եղել և կմնան այդպիսին, անկախ նրանից թե ինչ խնդիրների առջև ենք կանգնել ես ու իմ ընտանիքը։ Ցավոք սրտի դժբախտությունը մեր տունը նույնպես չշրջանցեց և մի քանի տարի առաջ իմացանք, որ եղբայրս հիվանդություն ունի, ծանր հիվանդություն, որը ոչնչացնում է նրա գլխուղեղը և ողնուղեղը։

Հիվանդությունն իրականում այնպիսին է, որ, իհարկե, եղբայրս կարող է սովորական կյանքով ապրել, բայց իրեն անդադար բժշկական լուրջ վերահսկողություն է պետք, որպեսզի խնդիրը չբարդանա: Մեր ընտանիքում տեղի ունեցած դեպքից հետո լուրջ եմ նայում բոլոր այն դեպքերին, երբ մարդկանց զրկում են բուժման հնարավորությունից: Ու կուզենայի նմանօրինակ դեպքի անդրադառնալ:

Տեսեք, ամսվա սկզբն ձերբակալել են գործարար Սամվել Մայրապետյանին: Դա իմիջիայլոց, այն եզակի գործարարներից է ով բիծ չուն և նույն եղբորս ասած, Երևանի իսկական կարգին տղա է, թասիբով մարդ: Նրա միակ «մեղքը» կայանում է նրանում, որ նա «դժբախտություն» է ունեցել ծանոթ լինել Ռոբերտ Քոչարյանի հետ և հիմա Մայրապետյանին գլոբալ հենց դրա համար են կալանավորել:

Բայց իրականում այս մարդը նաև չի կատարել այն, ինչի համար նրան մեղադրում են, և ես կասկած չունեմ, որ քննությունը դա կապացուցի ու բացի այդ, իմ անձնական տվյալներով նա լուրջ առողջական խնդիր ունի և նրան պահանջվում է պարտադիր և մշտական բժշկական վերահսկողություն, որը կալանավայրում հնարավոր չէ ապահովել: Բայց այդ մարդուն կալանավորել են, թույլ չեն տալիս հոգալ իր առողջական կարիքները, ու դա այն դեպքում, որ աջ ու ձախ, կներեք, ափր-ցփր բոլորին բաց են թողնում, անկախ նրանց կատարած հանցանքներից:

Որքանո՞վ է բարոյական և օրինական մշտական բժշկական խնամքի պահանջ ունեցող մարդուն պահել կալանավայրում: Այն էլ այն մարդուն ում մասին թթու խոսք չեն ասում շատերը, քանզի գիտեն, որ նա բարի մարդ է, և հաստատ հանցագործ չէ:

Ես չեմ կարծում, որ երբ հազարավոր հայեր Հայաստանում և սփյուռքում ապրիլ-մայիս ամիսներին դուրս էին գալիս փողոց իրենք ուզում էին, որ իշխանությունները երկիրը զարգացնելու փոխարեն իրենց քաղաքական խնդիրները լուծեն, այն էլ այսքան անընդունելի ձևով:

Պարոն Փաշինյան, Հայաստանում նաև ըստ ձեզ քաղաքական վենդետտա պետք է չլինի: Իրականացրեք ձեր ասածը, դասականի խոսքերի պես ասեմ՝ խոսքը գործ դարձրեք:

Կարինե Մամիկոնյանի ֆեյսբուքյան էջից