Գևորգ Կոստանյանը կոչ է անում կողմ քվեարկել ԸՕ փոփոխությունների օրինագծին

Այսօրվա ԱԺ արտահերթ նիստում ԱԺ ՀՀԿ խմբակցության պատգամավոր Գևորգ Կոստանյանը, հարակից զեկուցման ժամանակ ասաց, որ և՛ լավ, և՛ վատ ընտրական համակարգ չի լինում: 

«Ռեյտինգային ընտրական համակարգը ըստ էության մեծամասնականի և համամասնականի համադրությունն է: Մեծամասնականի դրական կողմը այն է, որ հանրությունը ունի ներկայացուցչական լայն ու անհատական հնարավորություն, ինչը համամասնականը չունի»,- սակայն, ըստ Կոստանյանի, համամասնակն ընտրական համակարգը նպաստում է կուսակցությունների զարգացմանը. «Քաղաքացու համար կարևոր չէ անձը, ժողովուրդը ընտրում է կուսակցությանը և նրա գաղափարները ու նրա համար մեկ է՝ ով կիրականացնի դրանք: Համամասնականը խթանում է կուսակցությունների կայացմանն ու զարգացմանը, սա խթանում է գաղափարին»:

Կոստանյանն ասաց, որ ոչ ոք չի ասում, թե ռեյտինգային համակարգը վատն է, ուղղակի այն արդեն սպառել է իրեն և դա պայմանավորված է տվյալ ժամանակով ու համամասնականի անցնելու որոշումը շատ կարևոր է:

«Այս փոփոխությունը մեզ պետք է, որ մենք խթանենք կուսակցական քաղաքական համկարգը, ոչ ոք չի բացառում, որ հաջորդ ընտրությանը գնանք ռեյտինգայինով, դա կախված կլինի երկրում տիրող իրավիճակից»:

Պատգամավորը գործընկերներին առաջարկեց հիմք ընդունել քաղաքական կայունությունն ապահովելու գաղափարը և կողմ քվեարկել ԸՕ փոփոխությունների օրինագծին:

 Zham.am