Վրաստանում նույնպես գործեց ճոճանակի սկզբունքը

Շատ վերլուծաբաններ, համոզված նշում էին, որ իշխանության ներկայացուցիչ Սալոմե Զուրաբիշվիլիի հաղթանակը գրեթե կանխորոշված էր, քանզի նրան պաշտպանում է Բիձինա Իվանիշվիլին: Ու թեև նախագահի կարգավիճակը այս երկրում մերինից չի տարբերվում, այսինքն սիմվոլիկ բնույթ ունի, քաղաքական դիտորդների համար կարևոր է, թե ինչպիսին է այսօրվա վրաց հասարակության քաղաքական տրամադրությունները: Նախնական արդյունքները դրեթե սենսացիոն կարելի է համարել: Իշխող ուժի ներկայացուցիչը ոչ միայն առաջին փուլում հաղթանակ չտարավ, ինչպես կանխատեսում էին շատերը, այլև նրա ցուցանիշները շատ քիչ էին տարբերվում ընդիմության ներկայացուցիչ Գրիգոլ Վարշաձեի ստացած թվերից: իսկ ինչպես հայտնի է, Վարշաձեն Սաակաշվիլու թիմի ներկայացուցիչ է, ինչը նշանակում է, որ այս երկրում քաղաքական ճոճանակի սկզբունքի համաձայն կրկին բարձրանում է Սաակաշվիլիի վարկանիշը:

Հիշեցնենք, որ նրա թիմը, 2012-ի խորհրդարանական ընտրություններում պարտվեց Իվանիշվիլու քաղաքական միավորմանը: եվ ահա, յոթ տարի անց հանրությունը, կարոտախտ է ապրում Սաակաշվիլիի ժամանակաշրջանի հանդեպ:

Թե ինչպիսին կլինեն հետագա զարգացումները, այսօր դժվար է կանխատեսել, սակայն պարզ է մեկ բան, որ եթե ընտրություների երկրորդ փուլում, ընդիմության ներկայացուցիչը հաղթանակ տանի, ապա այդ երկրում կսկսի, Իվանիշվիլու իշխանության փլուզման գործընթաց: Այն կլինի արագ, թե դանդաղ, կախված է հիմնական խաղացողների գործողություններից:

Արտակ Հակոբյան