ԼՂ հիմնախնդրի կարգավորումը բխում է նաև ԱՄՆ-ի շահերից. Ջոն Բոլթոն. Տեսանյութ
Հայ-ամերիկյան հարաբերությունները Միացյալ Նահանգների համար առաջնահերթ են ու կարևոր,- լրագրողների հետ զրույցում ասել է ՀՀ-ում գտնվող ԱՄՆ նախագահի՝ Ազգային անվտանգության հարցերով խորհրդական Ջոն Բոլթոնը: Նա տեղեկացրել է, որ Հայաստանի բարձրաստիճան պաշտոնյաների հետ հանդիպմանը քննարկվել են երկկողմ հետաքրքրություն ներկայացնող հարցեր:
«Արդեն հանդիպել եմ ՀՀ վարչապետի պաշտոնակատարին, ՀՀ անվտանգության խորհրդի քարտուղարին, պաշտպանության, արտաքին գործերի նախարարների պաշտոնակատարներին: Հանդիպումների ընթացքում նշել եմ, որ հայ-ամերիկյան հարաբերություններն ԱՄՆ-ի համար առաջնահերթ են և կարևոր: Դրանք մեզ համար ռազմավարական նշանակություն ունեն: Նաև անդրադարձել ենք տարածաշրջանային հարցերին՝ Իրանի, Սիրիայի շուրջ ձևավորված իրավիճակին: Կարևորեցինք տնտեսական ոլորտում երկու երկրների միջև հարաբերությունների աշխուժությունը, Հայաստանում ԱՄՆ-ի ուղղակի ներդրումների ավելացումը»,- ասել է նա:
Ջոն Բոլթոն խոսքերով` հայաստանյան հանդիպումների շրջանակում քննարկումներ են եղել նաև Լեռնային Ղարաբաղի հիմնախնդրի վերաբերյալ:
«Պատրաստ ենք մեր աջակցությունն ունենալ Լեռնային Ղարաբաղի հակամարտության կարգավորման հարցում, քանզի այս կարգավորումը բխում է ոչ միայն Հայաստանի ու Ադրբեջանի, այլև ԱՄՆ-ի շահերից»,- ասել է նա:
Անդրադառնալով ՀՀ-ում տեղի ունեցած հեղափոխությանը՝ Բոլթոնն ասել է, որ վարչապետի պաշտոնակատարի հետ հանդիպմանը քննարկել են առաջիկայում սպասվող ընտրությունները և հավելել է, որ հասարակական կարծիքի ուսումնասիրությունները թույլ են տալիս մտածելու, որ նա ընտրություններում Փա'ինյանը հաջողություն կունենա:
Ջոն Բոլթոնը խոսել է հետազոտողների հետ իր հանդիպման և քննարկումների մասին, որից պարզ է դարձել, որ ԼՂ հիմնախնդրի կարգավորումը ՀՀ-ի համար մնում է առաջնային հարցերից մեկը:
Zham.am
Հետևեք մեզ Facebook-ում