«Դա ամբողջ աշխարհում է խնդիր, որի լուծումը գտնված չէ». Փաշինյանը` երեխաների զարգացմանը սպառնացող տեղեկատվության արգելման մասին
ՀՀԿ-ական պատգամավորների կողմից օրենսդրական նախաձեռնության կարգով ներկայացված «Երեխայի իրավունքների մասին» Հայաստանի Հանրապետության օրենքում լրացում կատարելու մասին» և «Վարչական իրավախախտումների վերաբերյալ Հայաստանի Հանրապետության օրենսգրքում լրացում կատարելու մասին» Հայաստանի Հանրապետության օրենքների նախագծերի փաթեթին՝ Կառավարությունը այսօրվա նիստում բացասական եզրակացություն տվեց:
«Այսօր համացանցում կա կատարյալ ազատություն, իսկ երեխաները օգտվում են դրանից և կարելի է ասել, որ կա ամեն ինչի հասանելիություն: Այդպիսի կարգավորում օրենքն ունի, սակայն արդյո՞ք այն կիրառելի է: Երեխաները օգտվում են համացանցից, որտեղ կարող են ինֆորմացիա դնել անանուն կամ ֆեյք էջերը»,- ասաց վարչապետի պաշտոնակատար Նիկոլ փաշինյանը և հավելեց, որ դա ամբողջ աշխարհում է խնդիր, և ոչ մի տեղ այդ խնդրի լուծումը գտնված չէ:
Հավելենք, որ փաթեթով առաջարկվում է երեխաների ֆիզիկական, մտավոր և հոգևոր լիարժեք զարգացմանը սպառնացող տեղեկատվություն տարածելը կամ քարոզչությունն արգելել:
Հետևեք մեզ Facebook-ում