Մենք մեր տնտեսություն ինչպե՞ս ենք զարգացնելու, եթե ՀՆԱ-ի 10% եկամտից հրաժարվում ենք
Երեկ ԱԺ-ում վարչապետ չընտրեցին, բայց խոսեցին երկրում տեղի ունեցած ու ունեցող իրադարձությունների մասին: Պատգամավորներից շատերը հարցեր էին հնչեցնում՝ տնտեսության զարգացման մասին, ինչն այսօր թիվ մեկ խնդիրն է ներքաղաքական մասով: Սա լավ հնարավորություն էր ներկայացնելու, թե որ ճյուղն է լինելու տնտեսության զարգացման շոգեքարշը: Իհարկե, մասնագետները նույնպես կպնդեն, որ տնտեսության զարգացման գլխավոր ճյուղը հանքարադյունաբերության ոլորտն է, որն այսօր անտեսված է ու անմխիթար վիճակում է:
Մեկը¸ օրինակ¸ Ամուլսարը: Խոսելով հանքի չշահագործման մասին՝ Փաշինյանն ասաց, որ սպասում են ապացույցների այն մասին, որ հանքը գործել է չարաշահումներով: Եթե ամիսներ շարունակ հանքը փակվել է առանց ապացույցների, սրան, ի՞նչ անուն կարելի է տալ, հա, կասեք հասարակությունը, բայց շատերը չեն բողոքում, աշխատակիցներն էլ պահանջում են հանքը շահագործել… Հա, եթե լինեին այն ապացույցները, որ հանքը խախտումներով է աշխատել, դա ուրիշ հարց ու թեմա է, բայց ի՞նչ է նշանակում դեռ չկան ապացույցներ, բայց հարյուրավոր աշխատակիցների ամենօրյա հացից կտրել ու ինչքա՞ն սպասել՝ փոխարենը ոչինչ չառաջարկելով: Իհարկե, կան հանքեր, որ տարիներ շարունակ խախտումներ են արել, փակեք դրանց, որ մյուսները սթափվեն, բայց կա մի Ամուլսար, որը խախտում չի արել ու դա էլ եք փակել տալիս, ինչի՞ հաշվին: Մենք մեր տնտեսություն ինչպե՞ս ենք զարգացնելու, եթե ՀՆԱ-ի 10% եկամտից հրաժարվում ենք: Ցանկացած երկրում տնտեսության զարգացման կարևորագույն ճյուղը հանքաարդյունաբերությունն է,ուզենք դա, թե ոչ, դա է փաստը:
Սարգսյան Հելենի ֆեյսբուքյան էջից
Հետևեք մեզ Facebook-ում