Ողբերգական ավտովթար. հայտնաբերվել է տղամարդու դի

Այսօր՝ հոկտեմբերի 23-ին, ողբերգական դեպք է տեղի ունեցել Երևանում:

Ինչպես հայտնում է Shamshyan.com-ը, ժամը 18:20-ի սահմաններում Նոր Նորք վարչական շրջանի Վիլնյուսի փողոցում բախվել են Երազ մակնիշի 35 CZ 943 համարանիշի և Nissan մակնիշի 35 ԼR 578 համարանիշի ավտոմեքենաները:

Դեպքի վայրում հայտնաբերվել է տղամարդու դի՝ պարանոցի հատվածը ամբողջովին վնասված և արյունոտված: 1 հոգի էլ մարմնական վնասվածքներով տեղափոխվել է Սուրբ Գրիգոր Լուսավորիչ բժշկական կենտրոն:

Դեպքի վայրի հարևանությամբ բնակվող մի քանի բարձրահարկ շենքերի բնակիչներ ասում էին. «Էս փողոցը, ասես, ավտոռալի լինի, ով ասես, ոնց ուզում՝ քշում է: Բազմիցս անգամ դիմել ենք Երևանի քաղաքապետարան, վարչական շրջանի ղեկավարի աշխատակազմին, որպօեսզի արհեստական խոչընդոտ սարքեն, ինչը կնվազեցնի որոշ վայ վարորդների կողմից կասկադյորական ձևով մեքենա վարելը: Ինչ է՝ պարտադիր հերթական զոհը լինի, որ նոր պատասխանատուները իրենց նստատեղերը դուրս հանեն բազկաթոռներից ու գան խոստումներ տան, որ կսարքեն, սակայն այդ խոստումները մինչև այսօր սին են:

Խնդրում ենք պատկան մարմիններին, այդ թվում՝ ՀՀ ոստիկանության պետ Վալերիյ Օսիպյանին, ՀՀ ճանապարհային ոստիկանության պետ Եգոր Կարապետյանին, Երևանի քաղաքապետ Հայկ Մարությանին, որպեսզի ձեռնամուխ լինեն այս ճանապարհահատվածում մի քանի արհեստական խոչընդոտներ տեղադրեն, ինչն իրեց կողմից նվեր կլինի մեկ տասնյակից ավելի բարձրահարկ շենքերի բնակիչներիս, քանի որ այս հատվածում բազմիցս է ճանապարհատրանսպորտային պատահարներ եղել, ցավոք, այդ թվում՝ ողբերգական»: 

Ոստիկանությունն ու քննչական բաժինը պարզում են նաև՝ արդյոք հայտնաբերված դին վթարի հետևանքով է մահացել, և այդ հարցի պատասխանը ստանալու համար քննիչի որոշմամբ նշանակվել է դիակի դատաբժշկական փորձաքննություն:

Ոստիկանությունն ու քննչական բաժինը պարզում են վարորդների, մահացածի և վիրավորի ինքնությունը: