Փաստորեն Կապանի ընտրություններում Նիկոլ Փաշինյանին «գըմփ-գըմփ հու՛»-ն չօգնեց (Տեսանյութ)

Կիրակի անցած ընտրություններում, ինչպես և ենթադրվում էր, հաղթողների գերակշիռ մասը իշխող ուժից էին: Այդպես էր 90-ական թվականներին, 2000-ական թվականներին, վերջին 10 տարիներին, այդպես եղավ նաև այսօրվա «Նոր Հայաստանում»: Քանզի փոխվեցին հին համակարգի կրողները, սակայն ոչ այն խաղի կանոնները, որոնք հաստատվել էին «հին» Հայաստանում :

Սակայն այստեղ էլ բացառություն գրանցվեց: Կապանում ՔՊ-ի ներակայացուցիչը պարտվեց անկուսակցական Գևորգ Փարսյանին: Եվ դա այն դեպքում, երբ Փաշինյանը անձամբ էր մասնակցում նախընտրական արշավին և աջակցում ՔՊ-ի թեքնածուին: Ավելին, հատուկ դրա համար նա այստեղ մարզպետ նշանակեց նախկին փոխոստիկանապետ Հունանյանին, հայտարարեց, որ ՔՊ-ի հակառակորդները օլիգարխիայի ու մաֆիայի ներկայացուցիչներ են, որոնք նպաստում են նույնիսկ նարկոտրաֆիկի զարգացմանը և այլն: Իսկ վերջում, որպեսզի ՔՊ-ի թեկնածուն հոգեբանական աջակցություն ստանա, նույնիսկ նախկին ռեժիմի ներկայացուցիչ Հունան Պողոսյանին ստիպեց «գըմփ-գըմփ հու՛»- ին մասնակցել, ինչը շատ ծիծաղելի տեսարան էր հիշեցնում:

Սակայն նույնիսկ այս ամենը չօգնեցին Փաշինյանին, քանզի Կապանի բնակիչները իրենց մաշկի վրա էին զգացել այս «գըմփ-գըմփ հու՛»- երի իրական գինը` տեսնելով, թե ինչպես են իրենց աշխատանքը կորցնում Լիդիանի աշխատակիցները: Իսկ Ալավերդիից հետո փակման վտանգի ուրվականը կարող է իջնել նաև Կապանի և Զանգեզուրի պղնձաձուլարանների կոմբինատների վրա:

Չէ որ կառավարության համար կարևորը, բնապահպանների «լայքերի» քանակը հաշվելն է, այլ ոչ թե երկրի իրական խնդիրները հասկանալը, քանզի վերջին հանգամանքը, PR-ի տեսանկյունից լուրջ գործոն չէ:

Արտակ Հակոբյան