Ընտրություններից հետո ՀՀԿ-ն ուզու՞մ է վերացնել ռեյտինգային ընտրակարգը

Հանրապետական խմբակցության պատգամավոր, ԱԺ պետաիրավական հարցերի մշտական հանձնաժողովի նախագահ Հովհաննես Սահակյանը չի բացառում, որ հնարավոր է խորհրդարանական ընտրություններից հետո վերանայվի ռեյտինգային ընտրակարգը, ինչպես Tert.am-ի հետ զրույցում հայտնել էր ՀՅԴ խմբակցության ղեկավար Արմեն Ռուստամյանը:

«Եթե ընտրություններից հետո կբացահայտվի, որ Ընտրական օրենսգրքի ռեյտինգային ընտրակարգը լավ կարգավորված չէ, օրենսդրի գործն է՝ կարող են առաջարկներով հանդես գալ և քննարկել: Մենք երբևէ չենք բացառել և միշտ էլ առաջնորդվել ենք այն սկզբունքով, որ մեր ներկայացրած կամ քննարկված որևէ օրենք անթերի չէ, և խնդիր չկա փոխելու՝ մանավանդ, որ երբ նման իրավական ակտերը կյանքի են կոչվում և պրակտիկ կյանքում կիրառվում են, շատ ժամանակ էլ թերություններն ու բացերը ի հայտ են գալիս: Այնպես որ, դա կմնա հաջորդ ԱԺ-ի գործառույթը։ Եթե ԱԺ-ում տեղ գտած քաղաքական ուժերը կգտնեն, որ որևէ խնդիր կա, օրենսդրական նախաձեռնության դեպքում, իհարկե, մենք պատրաստ ենք փոփոխելու»,- ասաց նա:

Հիշեցնենք, որ Արմեն Ռուստամյանը նշել էր, որ այս ռեյտինգային համակարգը հաստատ ընտրություններից հետո կվերանայվի, որովհետև որոշ հարցեր կան, որ բաց են մնում և հասկանալի է, որ ճիշտ չէ այս ձևի կիրառումը: «Կարծում եմ, որ թիմի ներսից դժգոհությունը կհանգեցնի նրան, որ մենք հետո վերանայենք ռեյտինգային ընտրակարգը»,- ասել էր նա:

Մանրամասները՝ Tert.am-ում