Պատժամիջոցների հարցը Ռուսաստանն ու ԱՄՆ կարող են քննարկել բանակցոթյունների սեղանի շուրջ. Թրամփի խորհրդական

Շվեյցարական Դավոսում, Միջազգային տնտեսական ֆորումի շրջանակներում ԱՄՆ-ի նորընտիր նախագահ Դոնալդ Թրամփի բիզնեսի գծով խորհրդական օգնական Էնտոնի Սկարամուչչինը հայտարարեց, որ Բարաք Օբամայի վարչակազմի կողմից կիրառված հակառուսական պատժամիջոցները և Մոսկվայի պատասխան գործողությունները, լավագույն լուծումը չէր: Նրա խոսքերով, Ռուսաստանն ու ԱՄՆ-ն լավ կանեն նստեն բանակցությունների սեղանի շուրջ՝ այլընտրանք մշակելու համար:

«Ես գտնում եմ, որ պատժամիջոցները լավագույն բանը չէր, բայց, միևնույն ժամանակ, ռուսական կառավարության կողմից ձեռնարկված գործողությունները միջազգային հանրության կողմից ընկալվել են որոշակի անհամայնությամբ: Մենք հնարավորություն կունենանք նորից նստել բանակցությունների սեղանի շուրջ և տեսնել, արդյոք կարող ենք ավելի լավ պայմանավորվածության հասնել», - մեջբերում է Էնթոնի Սկարամուչչիին ՏԱՍՍ գործակալությունը:

ԱՄՆ նորընտիր նախագահի խորհրդականի կարծիքով, արևմտյան հակառուսական պատժամիջոցները հակառակ ազդեցություն ունեցան և ավելի շատ համախմբեցին ռուսաստանցիներին իրենց նախագահի շուրջ:
«Պատժամիջոցները որոշ իմաստով հակառակ ազդեցություն ունեցան ռուսաստանցիների վրա: Ես կարծում եմ, որ ռուսները պատրաստ կլինեին անգամ ձյուն ուտել փրկվելու համար: Իմ ընկալմամբ, պատժամիջոցներն ավելի համախմբեցին ձեր ժողովրդին նախագահի շուրջ»:

Նշվում է, որ Ռուսաստանն ու ԱՄՆ-ն կարող են լավացնել հարաբերությունները մեկ տարվա ընթացքում, քանի որ Թրամփն ունի ընդհանուր շահերի տեսլական:

Մանրամասները` «Вести.ru»-ի տեսանյութում :

Zham.am