Հայերը կարևոր են Կանադայի համար, Կանադայում 60,000 հայ կա, ովքեր հարստացնում են մեր երկիրը. Կանադայի վարչապետ

Ֆրանկոֆոն երկրները կավելացնեն բարօրություն բոլորիս համար, միջոցառումը սքանչելի էր կազմակերպած, իսկ երկու երկրների ղեկավարների հանդիպումը նոր հիմքեր է ստեղծում հետագա համագործակցության համար: Այս մասին ասաց Կանադայի վարչապետ Ջասթին Թրյուդոն: Հաղորդում է Tert.am-ը:

«80-ական թվականներին ես Հայաստան եկել եմ իմ հոր և եղբայրների հետ, և այսօր մենք բազմապատկում ենք այդ օրերը: Ծիծեռնակաբերդի հուշահամալիր այցելելն էլ շատ զգացմունքային էր ինձ համար և աշխարհը պետք է ասի, որ այլևս երբեք նման բան չի լինելու»,-ասաց Կանադայի վարչապետը:

Նրա խոսքով՝ միջոցառման շրջանակներում ՀՀ վարչապետի հետ հանդիպումը հնարավորություն է տվել քննարկել եղած համագործակցությունը.«Ես համարում եմ, որ այսօր հայերը կարևոր են Կանադայի համար: Կանադայում 60,000 հայ կա, ովքեր հարստացնում են մեր երկիրը:

Կանադահայերը շարունակում են ի նպաստ դնել իրենց ներուժը հանուն լավ Կանադայի»,– ասաց նա:

Կանադայի վարչապետը նշեց, որ զարգացման ապագան և այլ կարևոր հարցեր են քննարկել ՀՀ վարչապետի հետ և որոշել են վերացնել երկու երկրների խնդիրները.«Այս հանդիպումը նոր հիմքեր է ստեղծում երկկողմ համագործակցության համար»:

Կանադացի լրագրողի հարցին, թե ինչպես եք տեսնում երկու երկրների միջև հարաբերությունները, Կանադայի վարչապետն ասաց, որ ՀՀ-ի և Կանադայի միջև հարաբերությունները խարսխված են հայ համայնքի հետ. «Մենք խոսեցինք, թե ինչպես առաջ շարժվենք ժողովրդավարական արժեքների վրա»:

Նույն հարցին ի պատասխան ՀՀ վարչապետն ասաց, որ երկու երկրների հարաբերություններն առանձին վերցրած քաղաքական գործիչների հարաբերություններ չեն, բայց Հայաստանում տեղի ունեցած փոփոխություններից հետո վարչապետն այլևս ներկայացնում է ժողովրդին:

«Փոփոխոթյուններին, որոնք տեղի են ունեցել Հայաստանում, մասնակից է եղել ողջ ժողովուրդը: Մենք ակտիվ աջակցություն ենք ստացել Կանադայի հայությունից, Ռուսաստանի հայությունից, ԱՄՆ-ի հայությունից:
Պետական կառավարման բոլոր մարմիններում պետք է լինեն մարդիկ, ովքեր ներկայացնում են ժողովրդի կարծիքը: Սա է հիմնական փոփոխությունը, որ տեղի է ունեցել ՀՀ-ում: Դա չի նշանակում, որ միշտ նույն մարդիկ են ներկայացնելու ՀՀ-ին, այլ դա նշանակում է, որ ով էլ լինի, պետք է ներկայացնի ժողովրդին: Հիմնական իմաստն այն է, որ ՀՀ-ում այլևս երբեք չի խոչընդոտվելու ՀՀ քաղաքացու կամարտահայտությունը»:

Tert.am