Ե՞րբ ենք Մկոյին դարձնելու հայրաքաղաք Լեննագանի քաղաքապետ

Հայտնի դերասան Մկոյի՝ Մկրտիչ Արզումանյանի Ինսթագրամից պատահական իմացա, որ այսօր նրա մայրիկի ծծնդյան օրն է, և Մկոն, ինչպես սիրելի զավակ, շնորհավորել է մորը այդ առթիվ:

Սակայն Մկոյին հիշելով, մի պահ հասկացա, որ Նոր Հայաստանում, դեռ լիարժեք արդարություն չի հաստատվել: Դատեք ինքներդ, «կարգին հաղորդումն» ժամանակին մեծ հաջողություն ունեցավ ոչ միայն Հայկոի, այլև Մկոյի շնորհիվ: Սիրված դերասաններ էին, ոչ միայն Հայկոն, այլև Մկոն: Բայց արի ու տես, որ Հայկոն այսօր Երևանի քաղաքապետն է , իսկ Մկոն... մնացել է անգործ: Դեռ ավելին, Երևանի ավաքանիներ են դարձել Լուլուն, երգիչ Արթուր Իսպիրյանը, նույնիսկ ԱԺ պատգամար դառնալու հայտ է ներկայացնում Հովհաննես Ազրոյանը, բայց արի ու տես, որ Մկոի մասին բոլորը մոռացել են:

Մոռացել են նաև «ջոք» շոուի տղաների մասին, երգիչ Միհրան Ծառուկյանի, սիրված դերասանուհի Արփի Գաբրիելյանի և վերջապես հանրահայտ Վիպոյանի մասին:

Բայց եթե Հայկոն քաղաքապետ է, իսկ Հովոն ուզում է դառնալ ԱԺ պատգամավոր, ապա Մկոն արժանի է լինել Գյումրու, այսինք Լեննագանի քաղաքապետ, դե իսկ Վիպոյանի տեղը, հաշվի առնելով իր հեղինակությունը և լայքերի քանակը պիտի լինի կամ ԱԳ նախարար, կամ ՆԳ նախարար, կամ վատագույն դեպքում ապագա ԱԺ նախագահ: Ի դեպ վերջին պաշտոնը իրան լրիվ կսազի, քանզի ապագա ԱԺ-ի կազմը լիովին կհամապատասխանի Վիպոյանի մակարդակին:

Այնպես, որ, տղերք, «դուխով» պահանջեք ձեր ստանալիքը, ինչից էք պակաս Հայկոյից ու Հովոյից:

Դավիթ Մկրտչյան