ՌԴ քաղաքացի Ուելդանով-Գալուստյանը զանգահարել է Բաքվի բերդից և հրաժեշտ տվել հարազատներին (լուսանկար)

Բաքվում բերման ենթարկված Մարատ Ուելդանով-Գալուստյանը փետրվարի 13-ին զանգահարել է քրոջը Կրասնոդար և խնդրել նրան նամակ գրել Ադրբեջանի դատախազություն քննությունն ավարտելու համար: 

«Եղբայր հաղորդեց, որ բուն գործը և այն, որ նա գտնվում է Բաքվի բերդերից մեկում, սպանում է նրան: Նրա խոսքերով, քննիչը չի հանգստանա մինչև նրանից հանցագործ չսարքի», - այս մասին «Rusarminfo.com»-ի հետ զրույցում ասաց Մարատի քույրը:

Քրոջ խոսքերով, հունվարի 5-ին հեռախոսազրույցի ժամանակ Մարատը հայտնեց, որ վատացել է նրա առողջական վիճակը և սրացել ստամոքսի խոցը: Բացի այդ, չնայած այն հանգամանքին, որ նրան թույլատրվում է ամեն շաբաթ զանգահարել հարազատներին, նա ութ ամսվա ընթացքում ընդհամենը 4 զանգ է կատարել:

«Մարատն ինձ ընդմիշտ հրաժեշտ տվեց: Ասաց, որ ես այլևս նամակներ ու ծանրոցներ չուղարկեմ և այլևս նա չի զանգելու: Նա ասաց, որ ես այլևս եղբայր չունեմ, իսկ ծնողները՝ որդի: Մարատը արտասվեց և «կախեցին լսափողը»», - պատմեց Մարիաննա Միրզոյանը:

Աղբյուր՝ «Rusarminfo.com»

Հիշեցնենք՝ ՌԴ քաղաքացի Մարատ Ուելդանով-Գալուստյանը 2016 թվականի հունիսի 9-ից պահվում է Բաքվի բանտում: Պատճառը նրա հայկական արմատներն են: Այս մասին հայտնել է նրա քույրը՝ Մարինա Միրզոյանը: Մարատը մի քանի անգամ այցելել է Ադրբեջան, սակայն քանի որ անձնագրում նշված է ոչ թե իր հայկական ազգանունը, այլ կնոջ, երբեք չի հայտնվել ուշադրության կենտրոնում: Մարատ Ուելդանով-Գալուստյանն աշխատում է ավստրիական «Do&Co» ընկերությունում: 2016 թվականի հունիսի 6-ին նա գործուղվել է Բաքու: Այդ օրվանից նրա հետ կապ հաստատել չի հաջողվել: Մարինա Միրզոյանը նշում է, որ նրան Բաքվում ձերբակալել են, երբ իմացել են, որ Մարատն ազգությամբ հայ է: