Ին՞չու Նիկոլը չի պաշտպանում Սասունին Հրազդանի գալիք ընտրություններին

Երբ Հրազդանի գալիք ընտրություններին ինքնաառաջադրմամբ հանդես եկավ Սասուն Միքաելյանի որդին՝ Սևակը, հանրության մոտ երկու համեմատություններ առաջ եկան այս կապակցությամբ: Երևանի ավագանու ընտրություններից հետո, բոլորի համար պարզ էր, այստեղ էլ կրկնվելու էր Հայկ Մարությանի պատմությունը: Սակայն դրանից բացի, մարդկանց մոտ ՀՀԿ-ի «բարի» հիշողություններն արթնացան, երբ այդ կուսակցության հայտնի դեմքերը իրենց երեխաներին էին փորձում առաջ տանել պետական կառավարման տարբեր ոլորտներում:

Եթե մի հատ էլ Հրազդանում ՔՊ-ն 80 տոկոս հավաքի, էլ ո՞ւմ կարելի կլինի համոզել անցկացնել արտահերթ խորհրդարանական ընտրություններ: Ավելին, Սասունի տղայի 80 տոկոսը հանրությանը ցույց կտար ոչ միայն իր՝ հանրության ապագան, այլև ակներև կդարձներ, որ ՔՊ-ն ՀՀԿ-ից ոչնչով չի տարբերվելու, և էյֆորիկ մթնոլորտը վերանալուց հետո, ամեն ինչ բացահայտվելու է: Պարզապես Նիկոլին շահավետ չի, որ հենց այսօր դա բացահայտվի, իսկ Սասունը դա չի հասկանում: Ահա թե ինչու Սասունի տղայի այս որոշումը դժկամությամբ ընդհունվեց Նիկոլի կողմից:

Մյուս կողմից այն բացատրությունը, որ տրվում է, թե ինչու ՔՊ-ն չի պաշտպանում Սևակին,  ուղակի ծիծաղելի է: Սևակը Հրազդանի ՔՊ-ի տարածքային կազմակերպության ղեկավարն է, ինչպես կարող է ՔՊ-ն չաջակցել իր տեղական կառույցի ղեկավարին: Այդ քայլից հետո Սևակը պիտի կամ դուրս գա ՔՊ-ից ու շարունակի իր ընտրապայքարը, կամ էլ, մնալով ՔՊ-ի շարքերում, հրաժարվի ընտրություններին մասնակցելուց: Երրորդ տարբերակ ուղակի չի կարող լինել, եթե իհարկե այս ամենը կրկես չէ:

Դավիթ Մկրտչյան

Լուսանկարը՝ Sputnik Armenia-ի: