Կառավարությունը լրացուցիչ մանդատ ստացավ

Երևանի ավագանու ընտրությունների ժամանակ արձանագրված «Իմ քայլի» գերբարձր տոկոսները վկայում են, որ Նիկոլ Փաշինյանի գլխավորած կառավարութունը ստացել է ոչ միայն պաշտոն ունենալու, այլ նաև խնդիր լուծելու մանդատ:
Մասնավորապես խոսքը վերաբերում է Ամուլսարի հանքին:

Եթե 82 տոկոսից հետո էլ պետք է կառավարությունը վախենա 15-20 «բնապահպանի» ծվծվոցից ու չլուծի Հայաստանի տնտեսության զարգացմանը վերաբերող խնդիրը, ապա դժվար կլինի հասկանալ այդ վարքագիծը:
Փոխվարչապետ Տիգրան Ավինյանի գրասենյակի ղեկավար Վարագ Սիսեռյանը նշում է, որ հանքը նախորդից մնացած ծանր ժառանգություն է:

Եթե նկատի ունի բնապահպանական հարցը, ապա Ամուլսարի պահով որևէ գիտական հիմնավորում չի ներկայացվել, որ կա բնապահպանական խնդիր: Իսկ եթե Սիսեռյանը նկատի ունի «բնապահպանական» պայքարը, ապա այն ուղղորդվող է և կառավարությունում էլ դա շատ լավ տեսնում են:

Ակնհայտ է, որ Կառավարությունն ուզում է դրական գնահատական տալ Ամուլսարի հանքի աշխատանքների վերսկսմանը, բայց ինչ-որ տեղ «քաշվում» է «բնապահպաններից», բայց 80-ից ավել տոկոսը տալիս է այն մանդատը, որ գործադիրը նորմալ որոշում կայացնի ու չվախենա:

Կից նյութն՝ այստեղ:

Արմեն Միքայելյանի ֆեյսբուքյան էջից