Հայաստանում հնարավորինս շուտ արտահերթ խորհրդարանական ընտրությունների անցկացումը խիստ տրամաբանական է (Տեսանյութ)

Հայաստանում, որքան հնարավոր է շուտ արտահերթ խորհրդարանական ընտրությունների անցկացումը շատ տրամաբանական քայլ է: Այս մասին այսոր նշեց քաղաքագետ Ալեքսանդր Իսկանդարյանը:

«Հնարավորինս շուտ արտահերթ խորհրադարանական ընտրություններ անցկացնելու հավանականությունը բավական մեծ է: Այս տեսքով խորհրդարանը պահելը նախ հեշտ չի լինի, դրանից բացի, «Քաղաքացիական պայմանագիր» կուսակցությանը դժվար կլինի մինչև 2022 թվականը այսքան բարձր ռեյտինգ պահելը»,-ասաց քաղաքագետը: Արտահերթ ընտրությունների անցկացման հետ կապված այն խնդիրները, որոնք կանգնած են Նիկոլ Փաշինյանի ու իր կողմնակիցների առջև, տեխնիկական են:

Նա նաեւ նշել է, որ ակնկալում էր մոտավորապես այնպիսի արդյունք, ինչպիսին գրանցվեց: Մի փոքր ավելի էր Իսկանդարյանը գնահատում ԲՀԿ-ի հնարավորությունները և մի քիչ պակաս արդյունք էր սպասում «Իմ քայլը» դաշինքից:

Իսկանդարյանի կարծիքով՝ ԲՀԿ-ի՝ իր կանխատեսածից մի փոքր ցածր արդյունքը վերջին 1-2 օրերի իրադարձությունների հետևանք էր: Քաղաքագետը մանրամասնել է, որ խոսքը ԲՀԿ-ում կատարված խուզարկությունների մասին է: Բայց դա կարևոր չէ՝ նշել է Իսկանդարյանն ու իր տեսանկյունից կարևոր կետերն առանձնացրել:

Մանրամասները` Zham.am-ի տեսանյութում: