Պուտին-Փաշինյան հանդիպումից առաջ Մոսկվան կոշտ մեսիջ է ուղարկում Երևանին
Ինչպես հայտնի է, օրեր առաջ, ըստ ռուսական «Ինտերֆաքս» գործակալության, Ռուսաստանը որոշում էր կայացրել չեղարկել իր տարածքում ՀՀ պաշտպանության նախկին նախարար Միքայել Հարությունյանի նկատմամբ հայտարարված միջպետական հետախուզումը:
Սակայն բանից պարզվում է, ՀՀ գլխավոր դատախազությունը Մոսկվային չէր դիմել Միքայել Հարությունյանին արտահանձնելու հարցով:
Երևանում նշում են, թե իբր վստահ չեն, որ գեներալը գտնվում է Մոսկվայում: Բոլորն էլ հասկանում են, որ Երևանը չի դիմել, որպեսզի Մոսկվայի կողմից չստանա մերժման պատասխան: Սակայն բանից պարզվում է, այնուամենայնիվ, նման պատասխան արդեն ստացել է, ինչը նշանակում է, որ Մոսկվայում հարկ են համարել հրապարակավ «մերժել» Երևանին. վերջին 20 տարիների ընթացքում երբևէ նման դեպք չէր արձանագրվել: Եղել էին իհարկե դեպքեր, երբ Երևանին Մոսկվան մերժել էր, օրինակ Լևոն Մարկոսի դեպքում: Սակայն դրանք քաղաքական բնույթի գործեր չէին:
Սա ցույց է տալիս, որ այսօր Մոսկվան լրջագույն դժգոհություններ ունի Երևանի հանդեպ:
Իսկ թե ինչպես կհանգուցալուծվեն այդ հարցերը, պարզ կդառնա սեպտեմբերի 8-ից հետո:
Արտակ Հակոբյան
Հետևեք մեզ Facebook-ում