Սկանդալային միջադեպ Հյուսիսային Պողոտայում ոստիկանների և օտարերկրացու միջև (տեսանյութ)

Երկու օր առաջ ոստիկանները արգելում էին նվագել ուկրաինացի ու վրացի երաժիշտներին, որոնք սիրված արտասահմանյան երգեր էին կատարում, բավական լավ մակարդակով, բայց ոչ բարձր՝ մոտիկ պետք է կանգնեիր, որ լսեիր։ Երևանի փոխոստիկանապետ պրն Էդգար Պետրոսյանի ու իմ բանավեճից հետո Հյուսիսային պողոտայի երաժիշտներին հանգիստ թողեցին։
(Վեճ Հյուսիսային պողոտայում. ոստիկանները երաժիշտներին արգելեցին նվագել. ՏԵՍԱՆՅՈՒԹն ունեցավ 50000-ից ավելի դիտում)
Երեկ նորից որսը վերսկսեցին՝ թե բնակիչները բողոքում են։ Ես էնտեղ էի, միջամտեցի՝ գնացին։ Բայց պարզվեց ոստիկանության մայորը, որն արդարացավ, թե միայն զգուշացնում ենք, որ բարձր չնվագեն, որի հետ էդտեղ իրար ձեռք սեղմեցինք, արդեն հրահանգել էր բռնել կանաչ իրոկեզով տղային՝ Իլյա Կուլիկին։ Շատ բռի ձևով թևերը ոլորել-տարել էին բաժանմունք։ Իսկ Իլյան պաշտպանում էր կիթառ նվագող հայ տղային, որի վրա հարձակվել էին նույն ոստիկանները։
ԵՍ ՉԵՄ ՀԱՍԿԱՆՈԻՄ՝ սրանց երաժիշտ որսալը նոր բռնե՞ց՝ հենց նոր իշխանության օրո՞ք։ Մեկնումեկդ տեսե՞լ եք, որ սրանք որևէ բուղայի կամ դրա բուղա թիկնապահների թևերը ոլորեն։ Երևի ճիշտ էր Սաակաշվիլին, որ բոլոր հին ոստիկաններին մի օրում գործից հանեց։
Ես նորից ասեմ։ Հյուսիսային պողոտան ճեմուղի է, ՀՀ ոստիկանություն / Police of the Republic of Armenia , հանրային տարածք, աղմուկի չափը կգերազանցեն, միջոցներ ձեռնարկեք, ուրիշ չափանիշներ էլ կարող են մշակվել։ Բայց դուք պետք է երաժիշտներին մոտենաք էդ թուղթը ձեռքներիդ՝ այլապես իրենք ազատ են անելու այն, ինչն օրենքով չի արգելվում։ ՀՀ Սահմանադրության 37-րդ հոդված։
Երեկ կեսգիշերին ուկրաինացի երաժիշտներ Իլյա Կուլիկին և Ալեքսանդր Իլյուշինին ԲԱՑ ԹՈՂԵՑԻՆ Կենտրոնի ոստիկանատնից։ Շնորհակալություն ՀՀ Մարդու իրավունքների պաշտպան - Human Rights Defender of Armenia -ի գրասենյակին աջակցության համար։
Շնորհակալություն Հյուսիսային պողոտայի տասնյակ անցորդների, ձեզ բոլորիդ՝ հրապարակային ու ԱՆ-ով (PM) արված օգնություն առաջարկների համար։
Երաժիշտների համար ծանր էր, բայց ընկճված չեն ու էսօր էլ են նվագելու։ Եկեք լսելու։

***

Ոստիկանության մայորը, որի անունը չեմ հիշում, ինձ ասաց՝ միայն զգուշացնում ենք, որ բարձր չնվագեն, որի հետ էդտեղ իրար ձեռք սեղմեցինք։ Իսկ ինքն արդեն հրահանգել էր կանաչ իրոկեզով տղային՝ Իլյա Կուլիկին բռնել։ Շատ բռի ձևով թևերը ոլորել-տարել էին բաժանմունք։ Իլյան պաշտպանում էր կիթառ նվագող հայ տղային, որի վրա հարձակվել էին նույն ոստիկանները։
Մանրամասները՝ հաջորդ գրառմանս մեջ։

Վահրամ Մարտիրոսյանի ֆեյսբուքյան էջից