Օսիպյանի քավոր Կարեն Կարապետյանը թանկարժեք ժամացույց է նվեր ստացել. հարուցվել է քրեական գործ

Շաբաթներ առաջ Politik.am գրել էր, որ ՊԵԿ օպերատիվ հետախուզության վարչության պետ Կարեն Կարապետյանի վերաբերյալ սկսված ծառայողական քննությունն ավարտվել է և հավաքված բոլոր փասթաթղթերը ուղարկվել են ՀՔԾ, որտեղ էլ հարուցվել է քրեական գործ:

Politik.am-ին մանրամասններ հայտնի դարձան Կարեն Կարապետյանին վերաբերվող ծառայողական քննությունից: Պարզվում է Կարեն Կարապետյանն իր նախկին պաշտոնում կոռուպցիոն պատմությունների մեջ է ընկել: Ըստ մեզ հասած տեղեկությունների, Կարապետյանը՝ գործարարներից մեկին ոչ օրինական աջակցություն ցուցաբերելու դիմաց ստացել է թանկարժեք ժամացույց, որը գնված է եղել ՊԵԿ նախկին նախագահ Գագիկ Խաչատրյանին պատկանող Խրոնոգրաֆ ժամացույցների խանութից: Կարեն Կարապետյանը ժամացույցը ստանալուց հետո այն հանձնել է իր կնոջը, ով էլ ժամացույցը տանելով Խրոնոգրաֆ դրա դիմաց ստացել է 24 հազար ԱՄՆ դոլար:

Մեր տեղեկություններով սա Կարեն Կարապետյանի ոչ օրինական գործունեությանը վերաբերվող մի դրվագ է միայն և ՊԵԿ-ում իրականացված ծառայողական քննությունից հետո այդ դրվագներին առնչվող բոլոր ապացույցները փոխանցվել է ՀՔԾ-ին:

Հիշեցնենք, որ Կարեն Կարապետյանը ոստիկանապետ Վալերիյ Օսիպյանի քավորն է և ըստ մամուլում հայտնված տեղեկությունների՝ հենց Օսիպյնաի շնորհիվ է հայտնվել այդ պաշտոնում: