Խոշոր ավտովթար. ՀՀ կառավարությանն առընթեր պետական եկամուտների կոմիտեի փոխնախարարներից մեկի ավտոմեքենան գլխիվայր շրջվել է. կա վիրավոր

Օգոստոսի 29-ին, խոշոր ավտովթար է տեղի ունեցել Երևանում։

Ժամը 21։10-ի սահմաններում Toyota Corola մակնիշի 005 BB 01 համարանիշի ավտոմեքենայի վարորդը Արշակունյաց պողոտայում բախվել է ճանապարհի բաժանարար բետոնե հատվածին և առաջ ընթանալով՝ գլխիվայր շրջվել։

Ինչպես դեպքի վայրից հայտնում է ֆոտոլրագրող Գագիկ Շամշյանը, ոստիկանությունը պարզում է վարորդի ինքնությունը։

Փրկարարները հոսանքազրկել են ավտոմեքենան, սահմանազատել տարածքը։

Ֆոտոլրագրողը հայտնում է, որ նշված ավտոմեքենան հաշվառված է ՀՀ կառավարությանն առընթեր Պետական եկամուտների կոմիտեի հաշվեկշռում, իսկ դեպքի վայրում հավաքվածներն էլ ասում էին, որ այն սպասարկում է փոխնախարարներից մեկին։

Ըստ նախնական տեղեկությունների՝ վարորդը միայնակ է եղել։

Մանրամասները՝  Shamshyan.com -ում: