Հայաստանը ապրելու երկիր է
Վարչապետ Նիկոլ Փաշինյանի ուղերձը «Քայլ դեպի տուն» ծրագրի մասնակիցներին.
«Շատ կարևոր է, որ ձեզնից յուրաքանչյուրի և հեռավոր Սփյուռքում ապրող յուրաքանչյուր ընտանիքում ամեն օր խոսվի Հայաստան վերադառնալու գաղափարի և անհրաժեշտության մասին։ Եթե ոչ ձեր ծնողները, ապա գոնե դուք, եթե ոչ դուք, ապա գոնե ձեր երեխաները պետք է անպայման վերադառնաք հայրենիք, որովհետև Սփյուռքի նախարարն ասաց, որ Հայաստանը սիրելու հայրենիք է, սիրելու երկիր է։ Բայց ես ուզում եմ ձեզ ասել նաև, որ Հայաստանը ապրելու երկիր է, մի երկիր է, որ պետք է ապրել, ուժեղանալ, զարգանալ, ստեղծագործել, հարստանալ և հարստացնել գաղափարներով, սիրով, էմոցիաներով, ապագայով, հզորությամբ, և ես համոզված եմ, որ մենք այսօր իրար աչքերի մեջ նայելով, իրար տեսնելով, իրար սիրելով ավելի ենք հզորանում»։
Վարչապետն այսօր մասնակցել է ծրագրի փակման արարողությանը, որին մասնակցել են ավելի քան 400 պատանիներ 25 երկրներից։
ՀՀ Կառավարության պաշտոնական էջից
Հետևեք մեզ Facebook-ում