«Հասմիկ» ճամբարում տղա երեխաներին կանացի շորեր են հագցրել

Հանքավանի «Հասմիկ» ճամբարը հայտնվել է սկանդալի կենտրոնում: Համացանցում հայտնվել են լուսանկարներ, որտեղ հստակ երևում է, որ ճամբարում հանգստացող արական սեռի երեխաներին ինչ որ միջոցառման շրջանակում հագցրել են կանանցի հագուստ: Այս պահին անհասկանալի է, թե որ՞ն է եղել այս միջոցառման նպատակը, ովքե՞ր են պատասխանատուները և արդյո՞ք ծնողները տեղյակ եղել են և համաձայնվել են, որ իրենց երեխաները մասնակցեն նման միջոցառման:

Politik.am փորձեց կապ հաստատել ճամբարի ղեկավարների հետ: «Սփյուռ» տեղեկատվական համակարգում զետեղված հեռախոսահամարին մեր զանգերն անպատասխան մնացին:

Ի դեպ համացանցում հասանելի տեղեկություններից մեզ հաջողվեց պարզել, որ այս ճամբարում հիմնականում հանգստանում են երեխաներ անապահով ընտանիքներից և նրանց ծախսերը հոգում է պետությունը:

Համցանցում հասանելի են նաև տեղեկություններ այս ճամբարում առկա հակասանիտարական իրավիճակի մասին: Այս խնդրի մասին դեռևս 2016 թվականին բարձրաձայնել էր Արցախից եկած երեխաներից մեկի ծնողը (նյութը այստեղ):

Աղբյուրը՝ Politik.am