Միխեիլ Սահակաշվիլի. Փաշինյանը չեզոքացնում է օլիգարխների ու կոռումպացված «էլիտայի» ազդեցությունը

«Ինձ ուրախացնում է այն, որ մենք Փաշինյանի հետ համահունչ ենք մտածում: 

Առանց հետաձգելու նա չեզոքացնում է օլիգարխների ու կոռումպացված «էլիտայի» ազդեցությունը՝ իշխանությունը Հայաստանի ժողովրդին փոխանցելով:

Նա արագ բարեփոխումներ է սկսել, որոնք արագորեն տեսանելի արդյունքներ են տվել ու շշմեցրել կոռումպացված «էլիտային», բայց հասկանում է, որ շփոթվածության փուլը շուտով կանցնի, և նրանք կսկսեն սաբոտաժի ենթարկել նրա քայլերը և փորձել գցել վարչապետի աթոռից:

Քանի որ խորհրդարանում մեծամասնություն ունի հենց այդ կոռումպացված «էլիտան», այն հեշտությամբ կարող է արգելակել Փաշինյանի բարեփոխումները, իսկ հետո հետ կշրջի: Որպեսզի նրանք չկարողանան դա անել, Փաշինյանը իշխանությունը փոխանցում է ժողովրդին՝ Հայաստանում ժողովրդավարություն հաստատելով: Երբ նա հաջողի, կարիք չի ունենա պայմանավորվել խորհրդարանի հետ կամ էլ ձկան պես հարվածել սառույցին՝ հաղթահարելով խորհրդարանում նստած կոռուպցիոներների ու հանցագործների սաբոտաժը: Չէ՞ որ բարեփոխումների շարունակության համար անհրաժեշտ օրենքների ու որոշումների ընդունման համար նա կարող է աջակցության համար դիմել ուղիղ ժողովրդին:

Ժողովուրդը կարիք չի ունենա նույնիսկ բարեփոխումներին աջակցելու համար դուրս գալ փողոց, մարդիկ դա կանեն հանրաքվեներով: Իսկ եթե կոռուպցիոներներն ու հանցագործներն ակտիվորեն խանգարեն բարեփոխումներին, ժողովուրդը պարզապես հանրաքվեով կլուծարի խորհրդարանը:

Մենք նույնպես պետք է արագորեն ուղիղ ժողովրդավարություն հաստատենք, որովհետև ժողովուրդը միայն դրա օգնությամբ կարող է կոտրել գործող համակարգը և հաղթահարել օլիգարխների և կոռուպցիոներների դիմադրությունը: Հակառակ դեպքում ուղղակի կարող ենք կորցնել մեր երկիրը»:

Վրաստանի նախկին նախագահ Միխաիլ Սաակաշվիլի ֆեյսբուքյան էջից