Հունաստանում մոլեգնել են հրդեհները. Կան զոհեր և տուժածներ. Լուսանկարներ

Աթենքի արվարձաններում բնական հրդեհների հետեւանքով զոհվածների թիվը հասել Է 50-ի, տուժել Է առնվազն 156 մարդ, այսօր հաղորդել Է Հունաստանի ERT հեռուստառադիոհաղորդումների կորպորացիան:

Փրկարարական ծառայությունների եւ ձկնորսների կողմից ավելի քան 700 մարդ Է փրկվել լողափերից, որտեղ մարդիկ փախել Էին կրակից: Ինչպես հաղորդել Է հեռուստաալիքը, հուլիսի 24-ի առավոտյան հրդեհների մեծ մասը հաջողվել Է վերցնել հսկողության տակ: Ուժգին քամին հանդարտվել Է, որն էլ նպաստում Էր կրակի տարածմանը: Հրդեհը մարելու համար գործի են դրվել հրշեջ ինքնաթիռներ եւ ուղղաթիռներ:

Հիշեցնենք, որ երեկ, հուլիսի 23-ին Աթենքի շուրջը միանգամից հրդեհի մի քանի օջախ Է բռնկել:

Հունաստանի իշխանությունները օգնություն են խնդրել այլ երկրներից՝ տարերքի դեմ պայքարելու համար: Այս մասին հաղորդել է ՏԱՍՍ-ը:

Հիշեցնենք նաև, որ Հունաստանում ՀՀ դեսպանությունում գործում է թեժ գիծ հրդեհներից տուժած Հայաստանի քաղաքացիների համար: Զոհերի կամ վիրավորների վերաբերյալ տեղեկություն ունենալու դեպքում կարող եք զանգահարել (+30) 2106831130 կամ (+30) 6989479827 հեռախոսահամարներով:

Zham.am

Լուսանկարների աղբյուրը՝ cbc.ca