ՌԴ դեսպան. Մոսկվան շարունակելու է աջակցել Երևանի և Բաքվի դիրքորոշումների մերձեցմանը ԼՂ հակամարտության կարգավորման հարցում

Ռուսաստանը կշարունակի քայլեր ձեռնարկել ԼՂ հակամարտության խաղաղ կարգավորման նպատակով Հայաստանի և Ադրբեջանի դիրքորոշումների մերձեցման ուղղությամբ: Այս մասին ՏԱՍՍ-ին տված հարցազրույցում հայտարարեց Հայաստանում ՌԴ դեսպան Իվան Վոլինկինը:

«Լեռնային Ղարաբաղում 2016 թ. ապրիլին շփման գծում քառօրյա պատերազմից հետո, որը, այստեղ հատուկ ուշադրություն, հնարավոր եղավ դադարեցնել Ռուսաստանի, համանախագահ երկրների ճիշտ ժամանակին միջամտության շնորհիվ, իրավիճակի կարգավորման մի շարք քայլեր են ձեռնարկվել», - նշեց նա, հիշեցնելով Վիեննայում և Սանկտ Պետերբուրգում գագաթաժողովները:

«Ցավալի է, որ մինչ այժմ միջազգային միջնորդությամբ կայացված պայմանավորվածությունները, այդ թվում զինված պատահարների հետաքննության մեխանիզմի ստեղծումը և ԵԱՀԿ դիտորդական առաքելության լիազորությունների ընդլայնումը հակամարտության գոտում, այդպես էլ չիրագործվեցին», - ընդգծեց դիվանագետը:

«Ընդհանուր առմամբ Ռուսաստանն այն բանի կողմնակիցն է, որ  Անդրկովկաս խաղաղություն և կայունություն վերադառնա: Մենք խաղաղ կարգավորմանն այլընտրանք չենք տեսնում, Մինսկի խմբի գործընկերների հետ համատեղ շարունակելու ենք ջանքեր գործադրել, ուղղված կողմերի դիրքորոշումների մերձեցմանը», - վստահեցրեց նա:

Zham.am