«Հայաստանը չի լինելու հայցվորի, խնդրողի դերում». Նախագահի խորհրդականը՝ Փաշինյանի՝ Բրյուսել կատարած այցի (Տեսանյութ)

Սա վարչապետի առաջին այցն է հեղափոխությունից հետո, նշում է Մարդկային զարգացման միջազգային կենտրոնի նախագահ, ՀՀ նախագայի խորհրդական Թեւան Պողոսյանը՝ անդրադառնալով վարչապետ Նիկոլ Փաշինյանի Բելգիա կատարած այցին:

«Շատ կարևոր շեշտադրում է, որ Հայաստանը չի լինելու հայցվորի դերում, չի լինելու խնդրողի դերում: Հայաստանի ճանապարհը հարթվելու է, նոր իշխանությունները նպատակասլաց գնալու են Հայաստանը հզորացնելու փոփոխություններին՝ սեփական արժեքների վրա հիմնվելով»:

Թեւան Պողոսյանն ասաց, որ այդ այցը ճանաչողական էր, որի ընթացքում Նիկոլ Փաշինյանը հանդիպումներ ունեցավ եվրոպական ինստիտուտների ղեկավարների հետ, ներկայացրեց Հայաստանում տեղի ունեցած իրավիճակը, նրանց հետ հարաբերություններ ձեւավորեց:

«Ես ուրախ եմ, որ պարոն Փաշինյանը կարողացել է եվրոպական գործընկերներին ներկայացնել Հայաստանի բոլոր խնդիրներն այն ոճով, որ մենք մեր ճանապարհը գնում ենք, հիմա դուք էլ կարող եք նստել եւ վերանայել»,— ասաց բանախոսը:

Մանրամասները՝ «Հանրային դիվանագիտության կենտրոնի» տեսանյութում: